Осиё Кубоги-2023 мезбонлиги учун тўрт мамлакат ариза берди
18 jul 2022 19:10
News

Осиё Кубоги-2023 мезбонлиги учун тўрт мамлакат ариза берди

Tags : Осиё Кубоги–2023

Осиё Футбол Конфедерацияси (ОФК) ОФКга аъзо тўртта ассоциациядан Осиё Кубоги–2023 финал босқичини ўтказиш истагида юборган билдиришномаларини қабул қилди.

Унга кўра, Австралия, Индонезия, Жанубий Корея ва Қатар мамлакатлари келгуси йил ўтказилиши режалаштирилаётган мусобақани қабул қилишга тайёр.

Мазкур тендерга ҳужжатларни тақдим этишнинг охирги муддати 2022 йилнинг 31 августигача этиб белгиланган.

Шундан сўнг ОФК маъмурияти томонидан таклифларнинг умумий муҳокамаси ўтказилади ва 17 октябрь куни ОФК Ижроия қўмитаси томонидан 24 жамоа иштирокидаги мусобақа мезбони эълон қилинади.

Эслатиб ўтамиз, Ўзбекистон учинчи саралаш босқичи орқали турнир йўлланмасини қўлга киритди.

Link :

Source : Осиё Футбол Конфедерацияси

Receive latest football news directly on your phone. Subscribe for our Telegram channel!

Rating: +7