Осиё футболи. Дубайда Ла Лига академияси янги мавсумга тайёргарликни бошлади

Dubai Sports City стадионида жойлашган Ла Лига академиясининг янги мавсуми учун ёш болалар ва қизларни танлов асосида қабул қилиш бошланди. Ўтган уч йил давомида мазкур академия анча яхши фаолият юритиб келмоқда ҳамда ўтган вақт оралиғида 2000 нафардан зиёд болалар ва қизлар таҳсил олишди. 

Ушбу масканда машғулотлар тўлиқ Испания Ла Лигаси тузиб берган дастур бўйича олиб борилади. Маълумки, Испания футболи жаҳонда етакчи ўринларда туради, шу боис БААда ҳам испан методидан фойдаланиш йўлга қўйилган. Шунингдек, бу ерда УЕФА лицензиясига эга мураббийлар ишлаб келмоқда.

Ла Лига академиясида 4 ёшдан 17 ёшгача боалар ва қизлар шуғулланиши мумкин. Машғулотларга масъулият билан ёндашган ўқувчиларга кейинчалик олий ўқув юртларига киришда академия жонбозлик кўрсатади. Бу ерда ёш футболчиларга футбол техникаси ва тактикаси чуқур ўргатилади, шунингдек жисмоний чиниқиш бўйича ҳам алоҳида машғулотлар йўлга қўйилган. Ҳар йили Испаниядан машҳур юлдузлар ташриф буюриб болажонларга мастер-класс ўтишади.