Осиё чемпионати (U-22) олдидан. Сардор Мирзаев: "Жамоамизнинг савияси ошган"

"Жамоамизда муҳит аъло даражада ва йигитлар фақат ғалабаларни мақсад қилмоқда. Мен ҳам жамоамиз ғалабаларига ўз ҳиссамни қўшмоқчиман. Тайёргарлик мавсумлар ўртасида яхши олиб борилди лекин ўйин амалиёти камдек кўринмоқда" - дея ўз фикрларини билдириб ўтади Сардор Мирзаев.

- Сиз ушбу терма жамоанинг Непалда ҳам бўлиб ўтган саралашидаги иштирок этгансиз. Бу икки жамоани фарқини нимада кўрдингиз?
- Албатта Непалда қийинчилик билан чемпионатга чиқишни уддалаган эдик. Бу жамоа эса бутунлай бошқача ва аввалги жамоадан савия жиҳатидан ўсган. Таркибга қарайдиган бўлсак МТЖ аъзолари ва ёшлар ўртасидаги жахон чемпионатида аллақачон шаклланган жамоа бор.

- Энди ушбу жамоадан қандай натижани кутсак бўлади?
- Шахсан мен камида ярим финалда ўйнасак керак деб ўйлаяпман. Мақсад ҳам шундай. Бунинг учун бизда имконият яхши. Керакли натижага эришиш учун ҳамма бирдек ҳаракат қилади. Мураббийлар шу руҳда тайёрламоқда.

Ҳумоюн Давуров суҳбатлашди.