“Спартак” Дубайдаги сўнгги ўртоқлик ўйинида йирик ғалабага эришди, Ўрунов эса захирадан тушди

Мазкур ўртоқлик учрашувида “Спартак” Роман Зобнин, Эсекьель Понсе, Виктор Мозес ҳамда Жордан Ларссоннинг голлари эвазига 4:0 ҳисобида зафар қучди. Остон Ўрунов эса 79-дақиқада ярим ҳимоячи Михаил Игнатовнинг ўрнига захирадан майдонга тушди.

Шу тариқа, “Спартак”нинг БААдаги йиғини якунланди ва жамоа эртага Москвага қайтиб боради. 20 февралда эса Доменико Тедеско шогирдларини Россия Кубоги 1/8 финалидан ўрин олган “Динамо”га қарши ўйин кутмоқда.

"Спартак" — "Рига" (Латвия) — 4:0 (0:0)

Дубай. "Jebel Ali" спорт комплекси

Голлар: 1:0 Зобнин (58, пас Понсе). 2:0 Понсе (65, пенальти). 3:0 Мозес (85, пенальти). 4:0 Ларссон (90+1, пас Зобнин).

"Спартак": Селихов (Ребров, 46), Ещенко (Жикия, 70), Маркитесов, Кутепов (Гапонов, 79), Айртон (Маслов, 70), Бакаев (Умяров, 46), Зобнин, Хендрикс (Крал, 70), Игнатов (Ўрунов, 79), Педро Роша (Мозес, 70), Соболев (Понсе, 20, Ларссон, 70).

"Рига": Пуриниш (Исаев, 46), Фёдоров (Петерсонс, 66), Вранянин, Черномордый, Ругинс, Камеш (Филиппов, 66), Писчевич, Весли (Сойсайло, 46), Рамос, Милошевич, Бризола (Мбомбо, 66).

Реклама