"Оқ-тепа"га техник мағлубият ёзилди!
27 oct 2013 15:06
News

"Оқ-тепа"га техник мағлубият ёзилди!

Бугун бўлиб ўтаётган биринчи лиганинг 16-туридан ўрин олган "Спартак" - "Оқ-тепа" баҳси тақвимга кўра Бухорода ўтказилиши керак эди.

Аммо меҳмонлар учрашувга бормаган. Бу ҳақда "Спартак" клуби расмийлари championat.asia сайтига хабар қилди.

Тошкентликларнинг нима учун сафар ўйинига бора олмагани ҳақида ҳозирча ҳеч нима дея олмаймиз.

Шу тариқа Усмон Тошев бошчилигидаги "Спартак"ка техник ғалаба ёзилди ва жамоа очколари яна учтага бойиди. Жорий мавсум бухороликлар учун дебют мавсум эди. Улар 48 очко жамғариб, чемпионатни 5-ўринда якунлади.
Унинг ортидан таъқиб этиб келаётган "Хоразм" эса бугун ютган тақдирда ҳам 5-ўринга кўтарила олмаслиги деярли маълум бўлиб улгурди.

Эслатиб ўтамиз, "Оқ-тепа" ушбу мавсумда сафар ўйинига бора олмаган иккинчи жамоага айланди. Ёдингизда бўлса, олдинги турлардан бирида "Орол" ҳам Чустга бора олмаганди.

Link :

Source : championat.asia

Receive latest football news directly on your phone. Subscribe for our Telegram channel!

Rating: