"Оқ-тепа": Жамоамиз фидойиси фаолиятини якунлади
02 mar 2015 16:24
News

"Оқ-тепа": Жамоамиз фидойиси фаолиятини якунлади

Футболчилик фаолиятининг тўлиқ қисмини “Оқ-тепа” жамоасига бағишлаган ярим ҳимоячи Зокир Мирзааҳмедов бутсасини михга илди.

Миллионлар ўйинига илк қадамларни “Пахтакор” футбол мактабида қўйган Мирзааҳмедов 2000 йилда ташкил топган жамоамизда 14 йил давомида тўп сурди. Клубни иккинчи лигадан 1-лига йўл олишидан тортиб, барча яхши-ёмон кунларида бирга бўлди. Ҳеч қачон жамоани қийин вазиятда ташлаб кетмади. Шунинг учун уни жамоа ичида ҳурмати беқиёс.

Ўзининг ажойиб ўйинлари орқали жамоадошлари орасида “Зико” номини олди ва “Оқ-тепа”да шу кунга қадар қайси мураббий ишламасин у клубнинг асосий ўйинчиси бўлиб келди. Фаолияти давомида кўп марта жамоа ва жамоадошларини қийин вазиятлардан олиб чиқиб кета олди. Ярим ҳимоячи чиройли тўп узатишлари-ю, кутилмаган қарорлари орқали рақибларини шошириб қўярди. Қийин вазиятларда барча оғирликни елкасига олишни уддаларди.

Аслида ярим ҳимоячи бемалол яна бир-икки мавсум тўп сура оларди. Аммо ўзи бутсасини михга илишни маъқул деб топди. Клуб раҳбарияти ҳам футболчининг қарорини ҳурмат қилган ҳолда Зокир Мирзааҳмедовга омад тилади!

МАЪЛУМОТ УЧУН
ЗОКИР МИРЗААҲМЕДОВ
Туғилган санаси: 06.03.1984
Туғилган жойи: Тошкент
Амплуаси: ярим ҳимоячи
Бўйи: 170 см. Вазни: 63 кг.

Link :

Source : oq-tepa.uz

Receive latest football news directly on your phone. Subscribe for our Telegram channel!

Rating: