Opta: Клублар ўртасидаги ЖЧда ПСЖ фаворит ҳисобланмоқда
06 jul 12:23
News
1/4 финал босқичи якунланганидан сўнг, Opta суперкомпьютери 2025 йилги Клублар ўртасидаги ЖЧда ғолиб чиқиш эҳтимоллари бўйича янгиланган прогнозни эълон қилди. Бу ҳақда Opta Analyst портали хабар берди.
Хабарга кўра, финал йўлланмаси учун курашаётган жамоалар орасида энг юқори эҳтимол — 38,54% билан Франциянинг “Пари Сен-Жермен” жамоасига тегишли. Ундан кейинги ўринда Англия гранди “Челси” турибди — 33,86%, Испаниянинг “Реал” клуби эса 24,67% имкониятга эга. Бразилия чемпиони “Флуминенсе” эса ҳозирча аутсайдер сифатида баҳоланмоқда — уларнинг ғалаба эҳтимоли 2,93% деб кўрсатилган.
Ярим финал жуфтликлари ҳам маълум:
— 8 июл куни “Флуминенсе” Англиянинг “Челси”сига қарши майдонга тушади.
— 9 июл эса яна бир кутилган тўқнашув — “ПСЖ” ва “Реал” ўртасидаги баҳс бўлиб ўтади.
Финал 13 июль куни бўлиб ўтади. Унда ярим финал ғолиблари жаҳон чемпиони унвони учун баҳс олиб боришади.
Similar news

Comments
Gugl titkilasam boshqa klubla xam chiqib kelishi mumkin.
Lekin Psj favarit.