Омадсизлар Тошкентда тўқнашади
22 oct 2021 15:07
News

Омадсизлар Тошкентда тўқнашади

Суперигада "жўжани санайдиган" вақт келди.

Про лигага тушиб кетиш учун асосий даъвогар бўлиб турган "Турон" бугун пойтахтда меҳмон бўлади.

Bunyodkor

Hurshid Giyasov - 35', Umarali Rakhmonaliev - 90', Nurillo Tukhtasinov - 90'

Superliga. Round 23

22/10/2021, 18:15

Finished

Turon Ferghana

Humoyun Murtozaev - 77'

45'

90'

Open in Match Center

Яйпан жамоаси 3-бор Тошкентга сафар қиляпти. "Локомотив" ва "Пахтакор" майдонида ўтган олдинги баҳслар Игорь Шквирин шогирдларининг 1 хил ҳисобдаги мағлубияти билан тугаган (3:1).

"Бунёдкор" — "Турон" учрашуви ҳақидаги қизиқарли фактларни келтирамиз.
1. "Бунёдкор" 21 сентябрдан бери Суперлигада ғалаба қозонолмаяпти. "Қалдирғочлар" сўнгги бор "Локомотив" билан ўйина 3 очко олишганди.
2. "Турон" Суперлигадаги охирги ютуғини 14 август куни қўлга киритганди ("Сўғдиёна", 1:0). Шу туфайли бугунги баҳс омади юришмаётган клублар тўқнашуви ҳисобланади.
3. Яйпанликлар бугун Ўзбекистон чемпионатлари доирасидаги сафардаги биринчи ғалабасини қўлга киритишлари мумкин.
4. "Турон" меҳмонда ғалаба қозонмаган ягона жамоа бўлиб турибди (3 дуранг, 7 мағлубият).
5. "Бунёдкор" жорий мавсум уй ўйинларида умуман ютқазмаган 3 жамоадан бири ("Сўғдиёна" ва "Пахтакор" билан).
6. "Бунёдкор" марказий ҳужумчилари сўнгги 3 ўйинда гол ура олишмади. Жамоа бу баҳсларда 2 та тўп киритди.
7. "Турон"нинг марказий ҳужумчилари бу мавсум фақат 1та гол урган. У ҳам бўлса, 1-тур доирасидаги "Қўқон-1912" билан ўйинда Жасур Ҳакимов томонидан урилган гол. Шундан кейин урилган 13 голнинг барчаси ярим ҳимоячи ёки ҳимоячилар номига ёзилган.
8. "Бунёдкор" ўз уйида сўнгги мағлубиятини 2020 йилнинг 29 ноябрь куни "Насаф"дан қабул қилиб олган эди.
9. Бугунги ўйинни Илгиз Танташев бошқаради. Жорий мавсум бухоролик ҳакам ишлаган баҳсларда "Бунёдкор" муваффақият қозонолмаяпти (2 мағлубият, 1 дуранг).