Ольмо учун курашда “Манчестер Сити” етакчилик қилмоқда

Goal нашрининг ёзишича, инглиз гранди Европанинг бошқа йирик клублари қизиқиш билдираётганига қарамай, 25 ёшли испаниялик футболчини қўлга киритиш учун фаворитга айланган.

Олдинроқ Ольмо келаси ёзда "Барселона"га ўтиши мумкинлиги тўғрисида хабар қилинганди. Қайд этилишича, битим суммаси 60 миллион еврони ташкил қилади.

ОАВ хабарига кўра, испаниялик футболчининг хизматларига "Реал", "Ювентус", "Арсенал", "Челси" ва "Атлетико" клублари ҳам қизиқиш билдирмоқда.

Ольмонинг "РБ Лейпциг" билан шартномаси 2027 йилгача мўлжалланган. Трансфермаркт портали экспертлари ярим ҳимоячининг нархини 40 миллион еврога баҳоламоқда.