Олий Лига. Абдуллаев, "Бухоро" мухлислари ва биринчи турнинг бошқа эътиборга молик воқеликлари

Биз эса биринчи турда қайд этилган эътиборга молик воқеалар билан таништириб ўтамиз.

"Металлург" ўз майдонида "Сўғдиёна" устидан 2:1 ҳисобида ғалаба қозонди. Мезбонларнинг 15-рақамли футболчиси Зоҳид Абдуллаев жамоасининг иккала голига муаллифлик қилиш билан биргаликда, мавсумнинг илк голини киритишга ҳам муваффақ бўлди. Шунингдек, "Сўғдиёна" футболчиси

"Қўқон-1912" - "Обод" 1:0. Олий Лига дебютанти "Обод" мавсумни мағлубият билан бошлади

Биринчи турда энг кўп мухлис "Бухоро" - "Олмалиқ" ўйинига ташриф буюрди. (2:0). Учрашувни стадиондан 18352 нафар томошабин кузатиб борди. Бу биринчи тур рекорди. Шу темпда давом этамиз!

"Қизилқум" ҳамда "Машъал" жамоалари ўртасидаги ўйинда (3:2) икки футболчи дубль қайд этди. Шаҳбоз Эркиновдан фарқли равишда Илҳом Юнусовнинг дубли жамоасига ғалаба келтира олди. Эътиборлиси, мезбонлар 0:2 ҳисобида ортда қолаётиб, ғалабани ўз томонларига оғдира олдилар

Бобоев - Лушан тандеми дастлабки турда "Нефтчи"ни 2:0 ҳисобида мағлуб этди

"Навбаҳор" ўз майдонида "Локомотив"га 2:3 ҳисобида имкониятни бой бериб қўйди. Мезбонларнинг янги футболчиси Олександр Пишур илк ўйинида гол муаллифига айланди. Фақат, унинг киритган голи жамоасига очко келтиргани йўқ




"Насаф" ҳам чемпионатни "Шўртан" устидан 2:1 ҳисобидаги ғалаба билан бошлади. Суратда эса Артур Геворкян ўтган йилги чемпионатнинг энг яхши футболчисига аталган совринни қабул қилиб олмоқда




Амалдаги чемпион "Пахтакор" ҳам илк турда ғалаба қозона олди. "Шерлар" дастлабки турда "Андижон"ни 2:1 ҳисобида таслим қилишди 



Чемпионатдаги илк қизил карточкани "Сўғдиёна" футболчиси Акмал Ҳолмуродов ўз ҳисобига ёзиб қўйди




Илк автоголга эса "Насаф" футболчиси Шерзод Аъзамов (23-рақамда) муаллифлик қилди

Шунингдек, бир қанча футболчилар янги жамоалари таркибида гол муаллифига айланишди:

Фаррух Шотурсунов ("Сўғдиёна")

Шахбоз Эркинов ("Машъал")

Илҳом Юнусов ("Қизилқум")

Баҳодир Насимов ("Бунёдкор")

Олександр Пишур ("Навбаҳор")

Неманья Йованович ("Андижон")

Мўйдин Мамазулумов ("Навбаҳор") (Қизиғи шундаки, ўтган йил биринчи даврани "Навбаҳор"да ўтказган футболчи иккинчи даврада "Локомотив" шарафини ҳимоя қилганди. Ўтган йилги ўйинда "Локо" сафида "лочинлар" дарвозасини ишғол қилган футболчи бу йил "Навбаҳор" сафида собиқ жамоаси "Локомотив" дарвозасига ҳам гол кирита олди.