Олий лига. 8 йилдан сўнг "Машъал" футболчиси хет-трикка эришди
25 sep 2016 11:53
News
![](https://championat.asia/upload/storage/222287_original.jpg)
![](/upload/storage/222287_220.jpg)
Олий лига. 8 йилдан сўнг "Машъал" футболчиси хет-трикка эришди
Унда муборакликлар 5:0 ҳисобида ғалабага эришишди. Учрашувда мезбонлар ҳужумчиси Кенжа Тўраев рақиблар дарвозасига учта гол уриб хет-трикка эришди.
Шу тариқа, Тўраев 2007 йилдан буён "Машъал" клуби сафида хет-трик расмийлаштирган биринчи футболчи бўлди.
Сўнгги бор ушбу клуб аъзоси 2007 йилда бир ўйинда учта гол урганди. 8 йил 10 ой 23 кун олдин Виктор Клишин "Машъал" таркибида "Насаф" дарвозасига учта гол уришга муваффақ бўлган эди (4:1).
Кенжа Тўраев 2016 йилги мавсумда хет-трик қайд этган бешинчи футболчи бўлди. Бунгача Олександр Пишур ("Навбаҳор"), Игорь Таран ("Шўртан"), Зафар Полвонов ("Шўртан") ва Азиз Ибрагимов ("Бухоро") каби футболчилар бир ўйинда учтадан гол уришди.
Маълумот учун, Кенжа Тўраев олий лигада 2006 йилдан буён фаолият олиб бормоқда. Шу кунга қадар унинг ҳисобида 18та гол урган эди. Футболчи кечаги кунга қадар олий лигада бир ўйинда биттадан ортиқ гол ура олмаган эди. Кеча фаолиятида илк бор хет-трикка эришди.
Similar news
![AMP Logo](https://championat.asia/image/logo-amp.png)
Comments