Олий лига-2015 якунлари. "Нефтчи" ҳақида
04 dec 2015 14:44
News

Олий лига-2015 якунлари. "Нефтчи" ҳақида

2015 йилги мавсумда иштирок этган барча клублар ҳақида маълумот беришни давом эттирамиз.

Навбат бу йил бешинчи ўринни олган Фарғонанинг "Нефтчи" клубига етиб келди.

Мавсум
Фарғоналиклар чемпионатни иккита дуранг билан бошлашди. Кейин кетма-кет 6та ўйинда рақибларни таслим қилиб мусобақа жадвалида пешқадам бўлиб олишди. Бироқ "Пахтакор" ва "Насаф" билан ўйинларда ютқазиб қўйган "Нефтчи" биринчи даврани тўртинчи ўринда тугатди. Иккинчи давра боши жамоа учун омадсиз бўлди. Кетма-кет учта мағлубият қайд этилди. Чемпионат охирида 4-ўрин учун имконият бор эди, аммо кўплаб мағлубиятлар ва очко йўқотишлар натижасида "Нефтчи" мавсумни бешинчи поғонада тугатди.

Мураббийлар
Жамоани мавсум давомида иккита мураббий бошқарди. 21-турга қадар Мурод Исмоилов бош мураббий сифатида ишлади. Соғлигидаги муаммолар туфайли ўзи ёрдамчи мураббийликка ўтди ва Андрей Фёдоров бош мураббийга айланди. Исмоилов қўл остида Тошкентда "Бунёдкор" мағлуб этилди, водий дербисида "Андижон" сафарда 4:0 ҳисобида таслим қилинди. Фёдоров бош мураббий бўлганидан сўнг "Пахтакор" ва "Бунёдкор" Фарғонадан мағлубият билан қайтишди.

Етакчи
Акмал Холматов ва Мансур Саидов
Жамоанинг фахрий ярим ҳимоячилари ёш футболчиларга ўрнак бўлишди. Иккала футболчи ҳам бир неча ўйинларда иштирок эта олишмади. Баъзида Холматов, баъзида Саидов асосий таркибда ўйнади. Акмал Холматов гол урган энг фахрий футболчига айланди. Унинг ҳисобида 4та гол бор.

Кашфиёт
Умид Қодиров. 1992 йилда туғилган ярим ҳимоячи ўтган мавсумда 10та ўйинда (4та тўлиқ) майдонга тушган эди. 2015 йилда эса 28та учрашувда (24та тўлиқ) иштирок этди ва 2та гол урди. Агар кўпроқ баҳсда майдонга тушганида Ҳимоячи Достон Турсунов ҳам кашфиётлардан бири бўларди. Ёшлар ўртасидаги жаҳон чемпионатига бориб келган футболчи фақат 2та ўйинда майдонга тушди холос.

Энг яхши ўйин
"Нефтчи" - "Пахтакор" 3:2
24-турда Фарғонада "Пахтакор"ни қабул қилган "Нефтчи" мухлисларга ажойиб ғалаба тақдим этди. Биринчи бўлимда Умид Қодиров ҳисобни очган, 4 дақиқа ўтгач Шерзод Ҳакимов жарима тўпидан кейин иккинчи бор рақиб дарвозасига гол урди. Аднан Ораховац ҳисобни қисқартирди. 78-дақиқада Отабек Исроилов тўп киритиб фарқни яна иккита оширганди. Баҳс тугашига 5 дақиқа қолганида Сергеевнинг пенальтидан урган голи якуний ҳисобни ўрнатганди - 3:2. Шу тариқа "Нефтчи" чемпионлик учун курашаёган "Пахтакор"ни мағлуб этганди.

Энг яхши футболчи
Евгений Черемисин.
Россиялик посбон олий лигамизда мавсумнинг энг яхши легионерларидан бири бўлди. Черемисин 30та ўйиннинг барчасида майдонда тўлиқ ўйнаган икки футболчидан бири бўлди. Посбон 11та учрашувда ўз дарвозаси даҳлсизлигини сақлаб қолди ва 30та гол ўтказиб юборди.

Ким қанча ўйнади?

Футболчи	Амплуа	Туғ.сана	Ўйин	Дақиқа	Гол	СК	ҚК
Черемисин Евгений	Дар	29.02.1988	30	2700	0	2	0
Қодиров Умиджон	Яҳм	26.06.1992	28	2350	2	6	0
Пўлатов Шукурали	Ҳим	23.02.1990	27	2430	3	8	0
Эрматов Дилёрбек	Ҳим	30.04.1989	27	2413	1	8	0
Холматов Акмал	Яҳм	04.04.1976	27	1425	4	2	1
Раҳмонов Сардор	Ҳим	09.07.1994	26	2295	2	4	0
Ҳакимов Шерзод	Яҳм	13.03.1987	26	1294	8	4	1
Махсталиев Аббосбек	Яҳм	12.01.1994	25	1756	2	5	0
Аҳмедов Рўзимбой	Ҳуж	30.05.1987	25	1471	5	5	0
Убайдуллаев Муҳсин	Яҳм	15.07.1994	24	1718	0	7	1
Саидов Мансур	Яҳм	01.11.1983	23	1928	0	4	2
Бобожонов Мурод	Яҳм	16.07.1994	21	735	5	0	0
Расулов Жавоҳир	Яҳм	18.05.1993	19	1379	1	0	0
Ёқубов Бахтиёр	Яҳм	13.09.1984	19	1365	1	1	0
Меҳмонов Жаҳонгир	Ҳим	28.05.1990	18	1620	0	2	0
Кашкавал Адриан**	Ҳим	10.06.1987	14	1260	2	2	0
Исроилов Отабек**	Ҳуж	07.12.1989	12	287	2	3	0
Ҳайдаров Отабек*	Яҳм	11.10.1991	11	407	2	0	0
Нурбоев Ойбек*	Ҳим	03.05.1988	8	554	1	1	0
Турсунов Достон	Ҳим	13.06.1995	2	94	0	0	0
Олимов Абдуллоҳ*	Яҳм	11.02.1993	1	45	0	0	0
Кападзе Камронбей	Ҳим	29.01.1994	1	45	0	0	0
Нурматов Зокир	Яҳм	08.01.1993	1	7	0	0	0

Изоҳ:
* - биринчи даврадан сўнг жамоани тарк этганлар.
** - иккинчи даврада жамоага келганлар

"Нефтчи-2015" мавсум статистикаси

Ўйинлар	30
Голлар	41
Уйдаги голлар	24 (58,54%)
Меҳмондаги голлар	17 (41,46%)
Ўтказилган голлар	30
Уйда ўтказилган голлар	12 (40%)
Меҳмонда ўтказилган голлар	18 (60%)
Ўртача гол	1,37
Ўртача ўтказилган гол	1
Уйдаги очколар	31/45 (68,89 %)
Меҳмондаги очколар	21/45 (46,67 %)
Энг йирик ғалаба	4:0 - "Андижон"
Энг йирик мағлубият	1:4 - "Шўртан"
"Қуруқ" ўйинлар	11 (36,67%)
Гол ура олмаган ўйинлар	7 (23,33%)
Иродаги ғалаба	2
Йирик ғалабалар	2
Йирик мағлубиятлар	1
Автогол (урилган/ўтказилган)	0/0
Огоҳлантиришлар (ўртача)	65 (2,17)
Четлатишлар (ўртача)	5 (0,17)
Майдонга тушганлар (легионер)	24 (2 - 8,33%)
Томошабинлар (жами/ўртача)	208999/6967