“Олимпико“ Клаудио Раньери билан чиройли хайрлашди

Учрашув 3:1 ҳисобида римликларнинг ғалабаси билан якунланди. Ушбу баҳс “бўрилар“ устози Клаудио Раньерининг “Олимпико“ стадионидаги сўнгги учрашуви бўлди. Учрашувни бевосита 70 минг нафар мухлис стадиондан кузатди ва Клаудио Раньери учун махсус перфоманс яратишди.

Эслатиб ўтамиз, Клаудио Раньери жамоани ўтган йилнинг ноябрь ойида қабул қилиб олганди. Ўшанда жамоа 12-турдан сўнг 13 очко билан 12-поғонада кетаётганди. Айни вақтда “Рома“ чемпионат якунига 1 тур қолганида мусобақа жадвалининг 5-поғонасида жойлашган. Мураббий мавсум якунидан сўнг мураббийлик фаолиятини якунлашини эълон қилганди.