Latest news

00:37"Манчестер Юнайтед" Виктор Дьокерешни сотиб олиш устида фаол ишламоқда  0 23:50"Ал Ҳилол" Нуньес вакиллари билан боғланди. "Ливерпуль" ҳужумчиси таклифга рози  0 23:24Польша терма жамоаси ўйинчилари Левандовскининг сардорлик боғичи олиб қўйилганини "нишонлашди"  3 22:32ЖЧ-2026 саралаши. Қозоғистон ўз уйида мағлуб бўлди  21 22:21Расман: "Манчестер Сити" 40 млн. еврога ҳимоячи сотиб олди  13 22:08Алонсо "Реал"даги илк машғулотини ўтказди  1 21:41Левандовски терма жамоадан кетиши ҳақида: "Мураббий ишончимга хиёнат қилди. Гап ҳатто сардорлик боғичини олиб қўйиш қарорида ҳам эмас, балки бу ҳақда қандай хабар беришганида"  9 21:27Ўртоқлик учрашуви. U23 Ўзбекистон терма жамоаси Қирғиз Республикасини мағлубиятга учратди  0 20:37Ўзбекистон терма жамоасининг Қатар билан беллашувдан олдинги расмий машғулотидан ГАЛЕРЕЯ  15 20:22Хулен Лопетеги: "Катанец жуда яхши ишлар қилиб кетди, энди эса Тимур бу ишларни давом эттирмоқда. Ўзбекистон каби Осиёдаги энг кучли жамоаларга қарши майдонга чиқиш – анча жиддий чақирув"  14 20:05Тимур Кападзе: "Катанец билан бир-биримизни табрикладик. Биз Қатардан ҳар жабҳада кучлимиз"  38 19:37Остон Ўрунов қанча муддатга сафдан чиқди?  13 19:10Сергей Лебедев: "Ўтган ўйиндаги каби ҳаракат қила олмадик"  1 18:53"Интер"нинг бўлажак мураббийи "Парма"ни тарк этди  0 18:32Расман: Николич ЦСКА бош мураббийлигидан кетди  7

ОКМК Жанубий Корея клуби билан ҳамкорликни йўлга қўйди News

ОКМК Жанубий Корея клуби билан ҳамкорликни йўлга қўйди

6-ноябр куни ОКМК ФК ва Жанубий Кореянинг "Чоннам Драгонс" клуби ўртасида футболни ўзаро такомиллаштириш борасида ҳамкорлик ўрнатилди.

Ушбу келишув орқали икки клуб футболни ривожлантириш, тажриба алмашиш, ёш футболчиларни тайёрлаш ҳамда клуб академияларининг халқаро турнирлар ва бошқа спорт тадбирларида иштирок етиш бўйича келишувга еришди.

Тадбирда Жанубий Корея делегацияси вакиллари ва ОКМК футбол клуби бош директори Баҳодир Мирзаев, клуб менежери Дониёр Ёқубов ва спорт директори Жаҳонгир Рислиқбойев ҳамда клуб мабуот котиби Aббос Мавлоновлар иштирок етишди.

Биласиз, Жанубий Кореянинг «Чоннам Драгонс» клубини металлургия соҳасида жаҳонда ўз ўрнига ега бўлган «Посcо» компанияси молиялаштиради. Ўз навбатида ОКМК профессионал футбол клубига Олмалиқ кон-металлургия комбинати ҳомийлик қилади. Бундан кўриниб турибдики, ҳомийлик борасида деярли битта бўғинда бўлган клублар учун бу ҳамкорлик ўзаро дўстлик алоқаларни янада мустаҳкамлаш имкониятини беради.

Юқоридагилардан келиб чиқиб, ҳар икки тараф вакиллари ҳамкорликнинг турли йўналишлари бўйича келишувга имзо чекишди:

✔️Ўзбекистонда ва Жанубий Кореяда ҳар иккала жамоалар ўртасида ўқув-йиғин машғулотларини ўтказиш;

✔️ Клуб ва академия мураббийлари ҳамда ходимларни малакасини ошириш, шунингдек, футбол индустриясидаги илғор тажрибаларни ўрганиш;

✔️ Жамоадаги ташкилий ишлар бўйича амалиёт алмашиш;

✔️ Тиббиёт мутахассислари ва менежмент ходимлари учун малака ошириш дастурларида қатнашиш;

✔️ Витаминизация — организмни зарур витаминлар билан таъминлаш жараёни бўйича кўникмаларга ега бўлиш ва футболчиларни соғлик ва жисмоний тайёргарлик бўйича махсус дастурларда тайёрлаш;

✔️ Футбол инфратузилмасини ривожлантириш бўйича лойиҳаларда ҳамкорлик қилиш;

✔️ Ёш футболчилар учун иқтидорларни аниқлаш ва ривожлантириш дастурларини ташкил етиш;

✔️ Мураббийлар учун, айниқса академия мураббийлари учун ўқув курслари ва малака ошириш дастурларини жорий етиш;

✔️ Спорт психологияси бўйича мутахассислар билан алмашинув дастурларини йўлга қўйиш;

✔️ Футбол академиялари ўртасида инновацион технологияларни жорий етиш ва тажриба алмашиш;

✔️ Оммавий спортни ривожлантириш мақсадида жамоатчилик ва мухлислар клуби билан ишлаш дастурларини амалга ошириш;

✔️ Медиа ва маркетинг соҳасида ҳамкорлик қилиш ва бренд ривожланиши бўйича маслаҳат алмашиш;

✔️ Жамоа тиббиёти соҳасида замонавий технологиялар, реалибитация ва шу каби бошқа усулларни қўллаш бўйича илмий-амалий семинарлар ташкил етиш;

✔️ Ижтимоий масъулиятли лойиҳалар, жумладан, ёшлар орасида спортни оммалаштириш бўйича биргаликда тадбирлар ўтказиш;

✔️ Aмалиёт ўташ учун футболчилар алмашуниви, яъни, Жанубий Кореяга бир нафар футболчимизни юбориш ва ўз навбатида «Чоннам Драгонс» клубининг U-18 жамоасидан ОКМК ФКнинг U-19 жамоасига бир футболчи қабул қилиш.

Шунингдек, бу ҳамкорлик ҳар икки клуб академияси ёш футболчилари учун катта имкониятлар очмоқда. Ёшларга халқаро тажриба орттириш, турли футбол маданиятларини ўрганиш ва рақобатбардошлигини ошириш имконияти берилади.

ОКМК ФК ва «Чоннам Драгонс» академиялари ўртасидаги ушбу келишув доирасида, масалан, 12-16 ёш тоифасидаги футболчилар Жанубий Корея ёки Ўзбекистон мезбонлик қиладиган халқаро турнирларда қатнашиши мумкин бўлади. Айниқса «Посcо» компаниясининг яна бир ҳомийлигидаги «Поҳанг Стилерс» клуби академияси томонидан ташкиллаштириладиган мусобақаларга ҳам ОКМК ФК академияси тарбияланувчиларини жалб этиш мажбурияти «Чоннам Драгонс» раҳбарияти томонидан амалга оширилиши келишиб олинди.

Ушбу турдаги халқаро тажриба алмашиш ёш футболчиларга келажакда ўз маҳоратини янада ошириш ва профессионал даражада ривожланиш учун катта имкониятлар яратади. Халқаро турнир ва мусобақаларда иштирок этиш орқали улар турли мамлакатларнинг ўйин услублари, стратегиялари ва футбол фалсафасини ўрганадилар. Бу эса нафақат техник ва жисмоний маҳоратни, балки психологик тайёргарлик ва тактик фикрлаш қобилиятини ривожлантиришга хизмат қилади.

Ёш футболчилар ўзларига янги муҳит ва янги рақобатчилар билан дуч келиш орқали ўз устида ишлашга, ўзларини синовдан ўтказишга ва доимий равишда ўз маҳоратларини оширишга интилишади. Шунингдек, халқаро мусобақаларда иштирок этиш уларга футбол соҳасидаги энг яхши амалиётларни ўзлаштириш, янги дўстлар ва ҳамкорлик алоқаларини ўрнатиш имконини беради.

Бундай тажрибалар орқали ёш футболчилар келажакда халқаро майдонларда муваффақиятли ўйин кўрсатишга тайёр бўладилар. Натижада, улар ўз фаолиятларида юқори савиядаги футболчилар даражасига чиқиб, ўз клубларини ва юртларини юксак даражада ифодалаш имкониятига эга бўлишади.

Жанубий Корея клуби делегациясининг юртимиздаги уч кунлик сафари 5-8 ноябрь кунларига  мўлжалланган. «Чоннам Драгонс» клуби вакиллари 7 ноябрь куни Ўзбекистон Суперлигасининг 24-тур доирасидаги ОКМК ФК — «Олимпик» учрашувини бевосита стадиондан кузатиб боришди.

Маълумот учун, томонлар ҳамкорлик келишувига мувофиқ назарда тутилган лойиҳалар 2025 йилги футбол мавсумидан бошлаб амалиётга тадбиқ этилади.

Rating: +2   

Comments

championat.asia
< show latest news
Яндекс.Метрика