Огнен Красич: "Қозоғистон ёки Ўзбекистонда ўйнаётган сербияликларни термага чақириш жуда қийин"

Футболчи "Футбол Экспресс" газетасига интервью берди. Суҳбат чоғида Красич Сербиянинг машҳур футболчилари ҳақида ҳам гапирди.

"Саутгемптон"да ўйнаётган Душан Тадич билан Сербияда "Войводина" жамоасида бирга ўйнаганман. Сулеймани билан эса Сербия ёшлар терма жамоасида тўп тепганман. Албатта, улар билан муносабатларимиз ажойиб. Қозоғистонда ўйнаб юрганимда аксарият мураббий ва мутахассислар нега мени терма жамоага чақиришмайди деб савол беришарди. Чунки мен Сулеймани, Качар ва Тадич савиясидаги футболчи эмасманда деб жавоб берардим.

Гап шундаки, улар Европанинг номдор клубларида ўйнашади. Очиғи, бизда футболчиларни терма жамоага жалб қилишда ўйнаётган клубларига алоҳида эътибор қаратишади. Қозоғистон ёки Ўзбекистон чемпионатида ўйнаётган сербияликларни терма жамоага чақириш жуда қийин", - дейди Огнен Красич.