ОФК делегатлари Самарқандда бўлишди
05 aug 2013 14:31
News

ОФК делегатлари Самарқандда бўлишди

Режа бўйича якшанба куни «Динамо» клуби ва стадионни назоратдан ўтказишлари лозим бўлган ОФК комиссияси аъзолари, кеча «Динамо» - «Қизилқум» учрашувини стадионнинг ўзидан томоша қилишди ва ўйиннинг ташкилий масалаларини кўриб чиқишди.

Деярли икки кун давомида Самарқандда бўлган делегатлар, орада Қашқадарёда бўлиб, «Шўртан» клубини ҳам назоратдан ўтказиб қайтишганди. Ниҳоят, бугун душанба куни эрталаб делегатлар «Динамо» клубини назоратдан ўтказишди. Назорат давомида ОФК Клублар мусобақалари бўлими бошлиғи Бенжамин Тан ва молия ҳисобчиси Чон Хён клубимизда бу борадаги ишларга жавобгар шахслар билан суҳбат ўтказишди. Жумладан, кечаги учрашувни бевосита стадиондан кузатган Бенжамин Тан учрашувнинг ташкил этилишини юқори баҳолади. Стадион борасида ҳам ижобий фикрлар билдирди. Шу билан бирга айрам масалалар борасида ўз маслаҳатларини билдирди.

Самарқанддаги ташриф билан ОФК комиссиясининг клубларни назоратдан ўтказилиши якунланди. Меҳмонлар кўҳна шаҳарнинг диққатга сазовор жойларида бўлиб, сўнгра Тошкентга қайтиб кетишди.

Link :

Source : fcdinamo.uz

Receive latest football news directly on your phone. Subscribe for our Telegram channel!

Rating: