ЎФА раҳбарияти Ғузордаги "Шўртан" клуби стадиони ва академияси билан танишди

Шу муносабат билан Қашқадарё вилоятида ҳам байрам тантаналари ўтказилмоқда. Фестиваль муносабати билан ЎФА раҳбарияти, Ўзбекистон таниқли футбол юлдузлари ва ОАВ вакиллардан иборат делегация Ғузор туманига ҳам ташриф буюрди.

Тадбир иштирокчилари ва бир гуруҳ футбол фахрийлари “Шўртан” Профессионал футбол клубида кўтаринки руҳда кутиб олинди.

Дастлаб мутасаддилар “Шўртан” футбол клубининг Ғузор “Марказий” стадиони ва янги қурилган “Академия” биноларида футбол билан шуғулланувчилар учун яратилган шарт-шароитлар билан танишишди.

ЎФА фахрийлар кенгаши раиси Тўлаган Исоқов Улмасович ва ЎФА биринчи вице призеденти маслахатчиси Зикрияев Раҳмиддин Эгамович “Шўртан” академия тарбиланувчилари билан кўришди ва ёш тарбияланувчиларга шундай шароит, шундай имконият билан сиз келажакда Одил Аҳмедов ва Элдор Шомуродов каби футбол юлдузлари, келажакда юртимиз байроғини юқори чўққиларга кўтариб, Ўзбекистон терма жамоасига тўп тепадиган ўзбек футболини фаҳрийлари бўласиз деб таъкидлаб ўтди.

Сўнгра ЎФА вице-президенти Одил Аҳмедов сўзга чиқиб ўзбек футболининг 110 йиллиги билан барча “Шўртан” футбол клуби раҳбарларини ва мураббийлар штабини табриклади. “Шўртан” футбол клубининг бош менеджери Шамиль Ярулин Самигуловични “Шўртан”футбол клубининг тарихида янгича бурилиш қилганлиги футбол академиясини юқори баҳолади.

“Шўртан” ПФК матбуот хизмати.