Одил Аҳмедов: "Муҳими бошлаб олдик"
27 jul 2020 21:38
News

Одил Аҳмедов: "Муҳими бошлаб олдик"

Бугун Хитой чемпионатининг биринчи тур учрашувлари давом эттирилди. Узоқ танаффусдан сўнг старт олган чемпионатнинг биринчи тури ҳамюртимиз учун омадли келди.

Одил Аҳмедов тўп тепаётган "Шанхай СИПГ" "Тяньцзинь Тэда"га қарши ўйинда 1:0 ҳисобида имкониятни бой бериб туриб, якунда 3та гол урган ҳолда муҳим ғалабага эришди. Ўйиндан кейин терма жамоамиз сардори билан боғландик.

"Футболни соғиниб қолган эдик. Мана бугун ўша кун келди ва биз яшил майдонга қайтдик. Ўйинда биринчи голни ўтказиб юборган бўлсакда, хотиржам эдик. Жамоамиз узоқ муддат бу ўйинга яхши тайёргарлик кўра олган эди. Бу сафарги чемпионат қизиқ кўринишда ўтади. Биринчи босқичда 14та ўйин ўйнаймиз, кейин иккинчи босқич бўлади. Ҳозирча бу қандай бўлиши борасида менда ахборот йўқ. Муҳими чемпионатни бошлаб олдик", - дейди Аҳмедов.