ОАВ: "Атлетико" УЕФАдан 26 миллион евро олади

Бу ҳақда "As" нашри хабар берди. Манбанинг маълумотига кўра, Европа лигаси финалида "Марсель" устидан қозонилган ғалаба (3:0) мадридликлар ғазнасига 6,5 миллион евро келтирди.

Ярим финалга чиққани учун 1,6 млн, 1/4 финалга чиққани учун яна бир миллион. Бундан ташқари, "матрасчилар" Чемпионлар лигаси гуруҳ босқичидаги иштирок учун 16,3 миллион евро олишади.

Эслатиб ўтамиз, "Атлетико" ЕЧЛнинг "C" гуруҳида "Челси", "Рома" ва "Қорабоғ" билан бирга беллашди ва якунда учинчи ўрин билан чекланди (1 ғалаба, 4 дуранг ва 1 мағлубият).