"Ньюкасл" уч футболчини 52 млн еврога сотиб олишга яқин

Қайд этилишича, Англия клуби "Борнмут" ҳужумчиси Каллум Уилсон учун 23 млн евро, "Норвич" ҳимоячиси Жамол Льюис учун 15 млн евро, шунингдек, "Сассуоло" фуллбэки Рожерио учун 14 млн евродан воз кечишга тайёр турибди.

28 ёшли Уилсон 2014 йилдан буён "Борнмут" таркибида фаолият олиб бормоқда. У жамоаси либосида 187 ўйинда 67 гол ва 30 ассист қайд этди. 22 ёшли Рожерио 2019 йили "Сассуоло"га кўчиб ўтганди ва шу вақтдан буён 66 ўйинда 2 гол ва 2 ассистни ҳисобига ёздириб қўйди. "Норвич" тарбияланувчиси 22 ёшли Льюис эса жамоа таркибида 100 ўйинда 2 гол ва 4 ассист қайд этган.