Нуну Эшпириту Санту: "Бирлашиб кучли душманга қарши жанг қилишимиз керак"
11 aug 2020 11:13
News

Нуну Эшпириту Санту: "Бирлашиб кучли душманга қарши жанг қилишимиз керак"

"Вулверхэмптон" бош мураббийи Нуну Эшпириту Санту Европа Лигаси 1/4 финал доирасидаги "Севилья"га қарши ўйин олдидан ўз фикрларини билдириб ўтди.

"Бу мавсумда Европада неча километр йўл босиб ўтганимизни тасаввур ҳам қила олмайман. Дарҳақиқат, узоқ йўл босилди. Мен йигитлардан ҳаракатларимиз самарасиз кетмаслиги учун ҳамма нарсани қилишни сўрадим. Энди яна бирлашиб кучли душманга қарши жанг қилишимиз керак.

Биз бу турнирдаги иштирокимизни бир йилдан кўпроқ олдин "Крузейдерс"га қарши ўйин билан бошладик. Бу жуда узоқ йўл эди. Европа Лигасининг энг кучли 8 жамоаси орасида бўлиш - ажойиб натижа. Бунга қанча меҳнат сарфланганини ҳамма билиши керак", - дейди Санту.

Эслатиб ўтамиз, ўйин бугун Тошкент вақти билан соат 00:00да бошланади.

Link :

Source : uefa.com

Receive latest football news directly on your phone. Subscribe for our Telegram channel!

Rating: +5