Нукусда “Футболимиз келажаги”нинг ғолиблари аниқланди
12 jul 2014 10:37
News

Нукусда “Футболимиз келажаги”нинг ғолиблари аниқланди

Қорақалпоғистон Республикаси босқичининг 9-10, 11-12 ва 13-14 ёшли футболчилардан иборат бўлган маҳаллаларнинг болалар жамоалари ўртасидаги гуруҳ баҳслари Қанликўл, Чимбой, Ҳўжайли ва Элликқалъа туманларида ташкил этилди.

Ўз навбатида гуруҳларда ғолиб чиққан жамоалар Нукус шаҳридаги “Турон” ўйингоҳида “Футболимиз келажаги” республика турнирининг Хоразм воҳасида уюштириладиган ҳудудий босқич йўлланмаси учун ўзаро баҳс юритишди.

- Учрашувларимиз жуда қизиқарли ўтди, -дейди мусобақа бош ҳаками, қорақалпоғистоннинг таниқли собиқ футболчиларидан бири Ислом Абдуллаев. – Ўйинларни Қорақалпоғистон футбол федерацияси томонидан тайинланган Қаллибек Собиров, Шарёр Жумабеков сингари иқтидорли ҳакамларимиз бошқариб боришди. Бу ўйинларни холисона ўтишини таъминлади. Ишончим комилки, жамоаларимиз Урганч шаҳрида бўлиб ўтадиган ҳудудий босқичда муносиб иштирок этишади ва финал йўлланмаларини қўлга киритишади.

Мусобақа якунида ғолиб ва совриндор жамоалар ташкилотчилар томонидан рағбатлантирилди.

Қорақалпоғистон Республикаси босқичи ғолиблари:
9-10 ёшлилар гуруҳи. Нукус туманидаги Саманбай овул фуқоралар йиғини.
11-12 ёшлилар гуруҳи. Тўрткўл туманининг Марказобод маҳалласи.
13-14 ёшлилар гуруҳи. Нукус туманидаги Саманбай овул фуқоралар йиғини.

Икром ХУДОЙБЕРГАНОВ.

Link :

Source : championat.asia

Receive latest football news directly on your phone. Subscribe for our Telegram channel!

Rating: