Нойер нима сабабдан либосини рақибига беришни истамаганини айтди

"Дармштадт"га қарши ўйиндан кейин мюнхенликлар сардори рақибларидаги ҳамкасби Марсель Шуэн билан либосини алмаштиришни истамади. Нойернинг сўнгги ўйини ўтган йилнинг декабрида бўлганди. Жаҳон чемпионатидан кейин посбон қишки таътилни ўтказишга жўнаб кетган ва у ерда тиззасидан жиддий жароҳат олиб, оёғидан операция қилинганди.

37 ёшли посбон майдонга қайтган ўйинида жамоаси билан йирик ғалабани қайд этди - 8:0. Учрашув якунланганидан кейин рақиб посбони Нойердан либосни алмаштиришни сўради. Бироқ у ушбу либоси ўзи учун ҳам сувенир бўлиб қолишини айтган.

"Майдонда кийган либосим ўзимда қолишини истадим. Унинг ўзи барчасини тўғри тушунди. Агарда бундай ҳолат навбатдаги ўйинда бўлса, муаммо яратмасдим. Одатда либосимни аямайман. Фақатгина шу сафар либосим ўзимда қолишини истадим", - деди Нойер "Kicker" нашрига.