Нодирхўжа Юлдашев: "Кутилганидек биз 3-саватчадан жой олдик"

Ютуғимиз саралаш ўйинлари Тошкентда бўлади. Биринчи саватчадан Австралия, Тожикистон, Индонезия, Уммон ва иккинчи саватчадан Вьетнам, Саудия Арабистони, Бангладеш мезбон сифатида гуруҳимиздан жой олмайди.

Лекин Япония, Ж.Корея, Эрон, Ҳиндистон, 2дан Ироқ ва сўнгги саватчага тушиб қолган БАА ва Қувайт жиддий рақиблар ҳисобланадилар.

Осиё чемпионатига чиқишни истасак, гуруҳлар маълум бўлгач шунга мос кучли жамоалар билан ўртоқлик ўйини ўтказмасак бўлмайди.

2006 йилда таваллуд топган терма жамоамиз ҳали Ўзбекистонда битта ҳам ўртоқлик ўйини ўтказмаган. Агар турниргача камида иккита мини турнир ёки ўртоқлик ўйини ташкил қилмасак, мухлислар босимини енгиш қийин бўлади.

Маълумот учун саралаш ўйинлари октябрь ойида бўлиб ўтади", - деб ёзади Нодирхўжа Юлдашев телеграмдаги каналида.