Нодирбек Абдураззоқов: "ОКМКни мавсум бошида ҳеч ким эсламайди, бу ҳолат менга ёқмайди"
04 apr 17:04
News


Нодирбек Абдураззоқов: "ОКМКни мавсум бошида ҳеч ким эсламайди, бу ҳолат менга ёқмайди"
Олмалиқликлар "Бухоро", "Пахтакор", "Қизилқум"дан 3 очко тортиб олишнинг уддасидан чиқди. Бу ўйинларда жамоа ярим ҳимоячиси Нодирбек Абдураззоқов ўзидан ижобий таассурот қолдирмоқда. Футболчи 3 та ўйинда 2 та гол ва 1 та ассист муаллифига айланди. ОКМК 4-турда Вадим Абрамов бошчилигидаги "Динамо"ни қабул қилади.
- Суперлига ОКМК учун жуда яхши кўрсаткичлар билан бошланди. Дастлабки турлар қандай таассурот қолдирди?
- Таассуротлар ажойиб. Йил охиригача шундай бўлиши учун максимал ҳаракат қиламиз.
- Жамоанинг муҳим фигурасига айлангансиз. Бу оптимал ҳолатга қандай келдингиз?
- Ўйлашимча, кўпроқ ўйин амалиёти ва мураббий томонидан берилган ишонч самараси. Терма жамоадаги ўйинларим ҳам руҳий томондан яхшироқ бўлиши учун ёрдам берди. Бу билан тўхтаб қолмоқчи эмасман ва олдинга интилишда давом этаман.
- Чемпионлик учун фаворит сифатида "Нефтчи", "Насаф", "Пахтакор" жамоалари кўрилмоқда. Бу жамоалар очко йўқотишга улгурди. ОКМК бу йил қандай совға кўрсатиши мумкин?
- Ҳар йили шундай. ОКМКни йил бошида эслашмайди ҳам. Тўғрисини айтсам бу ҳолат менга ёқмайди. Жўжани кузда санаймиз.
- Голни турлича нишонлайсиз. Бунда қандайдир режа бўладими ёки кимгадир бағишлайсизми?
- Тўғри ҳар хил нишонлайман. Лекин гол урганимдан сўнг албатта сажда қиламан. Асосий гол нишонлашим сажда ҳисобланади.
Similar news

Comments