Нгуен Ван Си: "Ўзбекистон жуда ҳам кучли терма жамоа эмас экан"
15 oct 2013 20:15
News

Нгуен Ван Си: "Ўзбекистон жуда ҳам кучли терма жамоа эмас экан"

Осиё кубоги-2015 саралаши доирасидаги Ўзбекистон – Вьетнам (3:1) учрашувидан сўнг ташкил этилган матбуот анжуманида дастлаб меҳмонлар устози Нгуен Ван Си иштирок этди.

“Бугун Ўзбекистон ғалаба қозонди. Аммо тўғрисини айтсам сизларда жуда кучли жамоа йўқ. Бу катта жамоа эмас менимча. Шунчаки кучли холос. Бугун Ўзбекистон терма жамоаси ҳалол футбол ўйнамади. Ўйин сўнггида қилган қўполлиги учун Анзур Исмоилов қизил карточка олиши керак эди, аммо ҳакам унга фақат сариқ карточка кўрсатди”, дейди Нгуен Ван Си.

“Учрашувда танлаган тактикамиз ҳимоявий эди, сабаби майдон эгалари ҳужумга ўтишлари аниқ эди, биз қарши ҳужумга таяндик”.

“Ўзбекистон иккинчи голни урганидан сўнг ҳужумга ўтдик, рақибни қарши ҳужумда ушлашга уриндик”.

“Бир ойдан кейин ўз майдонимиздаги ўйинда Ўзбекистонни мағлуб этишга уринамиз. Терма жамоангиз биздан кучли лекин ютишимизга ишонаман. Унга қадар таркибда керакли ўзгаришланни амалга оширамиз”.

Беҳзод Назаров ёзиб олди.

Link :

Source : championat.asia

Receive latest football news directly on your phone. Subscribe for our Telegram channel!

Rating: