Нематулла Қуттибоев: “Соғлигим туфайли “Орол” билан хайрлашишга қарор қилдим”
16 mar 2016 13:00
News

Нематулла Қуттибоев: “Соғлигим туфайли “Орол” билан хайрлашишга қарор қилдим”

Қорақалпоғистонлик таниқли собиқ футболчи Неъматулла Қуттибоев яқинда жамоа билан хайрлашишга қарор қилди. Хўш, бунга нима сабаб?

Шу ва бошқа саволларга жавоб олиш мақсадида Қуттибоевнинг ўзига мурожаат қилдик.

- Ҳа, “Орол” жамоаси бош мураббийлигини топширишга қарор қилдим. Бунга сабаб шуки, соғлигим билан боғлиқ муаммо юзага келганидир. Инсон учун энг аввало соғлиқ биринчи ўринда туради. Қолгани эса кейин бўлаверади. Шу боис бироз дам олиб, соғлигимни тикламоқчиман.

- “Орол”ни эндиликда шогирдим Темур Турдиев бошқариб борадиган бўлди. Унга керакли маслаҳатларни бериб бораман. Қисқача айтганда жамоага келгусида ҳам бефарқ бўлмайман.

- Айни дамда ишсиз эмасман. Нукус олимпия захиралари коллежида ёш футболчиларга машғулот ўтказаман. Кейин айтиб ўтганимдек, соғлигимга эътибор қаратяпман.

- Яна биринчи лига ёки олий лига клубларида ишлайманми йўқми, буни вақт кўрсатади.

Исломбек Рустамбеков.

Link :

Source : championat.asia

Receive latest football news directly on your phone. Subscribe for our Telegram channel!

Rating: +5