Неманья Матич: “Моуриньо сабаб таклифга рози бўлдим”
31 jul 2017 23:05
News

Неманья Матич: “Моуриньо сабаб таклифга рози бўлдим”

Хабар берганимиздек, эндиликда “Челси” клубининг собиқ ярим ҳимоячиси Неманья Матич фаолиятини “Манчестер Юнайтед” жамоасида давом эттиради.

Футболчи бу таклифга ижобий жавоб берганини лондонликларнинг собиқ бош мураббийи Жозе Моуриньо билан боғлади.

“Манчестер Юнайтед”га ўтганимдан бахтиёрман. Жозе Моуриньо билан қайта ишлаш имконияти туғилгани учун бу таклифга рад жавобини бера олмадим. “Челси” раҳбарияти, мураббийлар штаби, собиқ жамоадошларим ва клуб мухлисларига миннатдорчилик билдираман”, — деди Матич “қизил иблислар” расмий сайтига берган интервьюсида.