"Нефтчи" июль ойида "Бухоро" ва "Пахтакор" билан ўйнайди

“Нефтчи” футболчилари 9 июль куни иккинчи даврага тайёргарлик кўриш учун Дукентдаги спорт базасида йиғилишади. Орадан уч кун ўтиб фарғоналиклар Тошкентда “Футбол-МЕД” тиббий кўригидан ўтишлари режа қилинган. Дукентдаги тайёргарлик жараёни 20 июлга қадар давом этади ва шу куни йиғин Тошкент шаҳрида кўчирилади. Тошкент йиғини доирасида 2 та ўртоқлик ўйини режага киритилган. Дастлаб 20 июль куни “Бухоро” жамоасига қарши назорат учрашуви ўтказилинади. 23 июль санасида эса Тошкентнинг “Пахтакор” футболчилари жамоамизнинг навбатдаги рақибига айланадилар.

Ўртоқлик ўйинлари:
“Нефтчи” – “Бухоро” (20 июль)
“Пахтакор” – “Нефтчи” (23 июль)

“Нефтчи” мураббийлар штаби селекция жараёнига зўр беришган. Табиийки, давралар оралиғида таркиб кучайтирилишига катта урғу берилади. Айни пайтда бир қатор футболчилар билан музокаралар давом этмоқда. Шунингдек, тажрибали футболчи Акмал Холматов ҳам иккинчи даврадан жамоамиз шарафини ҳимоя қилишни бошлайди. Эслатиб ўтамиз, мавсум аввалида таркибга қўшиб олинган Сардор Эминов ҳамда Илҳом Бойдедаевлар катта эхтимол билан иккинчи даврани бошқа жамоаларда ўтказишади.

“Нефтчи” клубига оид сўнгги янгиликларни жамоа расмий сайти орқали кузатиб боринг!

“Нефтчи” матбуот хизмати