"Нефтчи" футболчиларига 2 кунлик дам берилди
13 jan 2016 08:06
News

"Нефтчи" футболчиларига 2 кунлик дам берилди

Tags : Нефтчи

4 январь куни Қиргулида йиғилган "Нефтчи" қисқа таътилга йўл олганини маълум қиламиз.

Андрей Фёдоров шогирдлари 8 кун Қиргулида машғулот олиб боришди. Йиғиннинг сўнгги куни битта назорат ўйини бўлиб ўтди. Ҳозирча таркибда битта йўқотиш бор. Жаҳонгир Меҳмонов айни пайт жароҳатидан тикланмоқда. Ҳимоячи якка тартибда шуғулланиш билан чегараланяпти. Футболчини "Вилоят Ҳокими кубоги" турнирида сафга қайтиши кутилмоқда.

"Нефтчи" футболчилари 14 январь оқшомида Тошкетга йўл олишади. 15 январь куни тушгача тиббий кўрикдан ўтилгач, куннинг иккинчи қисмида пойтахтдаги йиғин старт олади. Эслатиб ўтамиз, Андрей Фёдоров шогирдлари 19 январь куни "Обод"га қарши назорат ўйинида иштирок этиши режа қилинган. Жамоага оид сўнгги янгиликларни расмий сайтимиз орқали ҳам кузатиб боришингиз мумкин.

"Нефтчи" ПФК матбуот хизмати.