Latest news

14:50Фоден бугун ўйнамайди  0 14:30ЕЧЛ. "Қайрат" - "Реал" ўйини учун чипталар нархи қанча?  4 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  3 13:35Аканжи "Манчестер Сити"ни Лондон клубига алмаштириши мумкин  0 13:14Гарначо "Челси"га ўтиш ҳақида: "Жаҳон чемпионлари сафига қўшилганимдан бахтиёрман. Биз - дунёнинг энг яхши жамоасимиз!"  5 12:50"Барселона" Ла Лигада Шенснини рўйхатдан ўтказди  1 12:22"Фенербахче" Эдерсоннинг трансфери устида ишламоқда. "Ман Сити" дарвозабонни "Галатасарой"га 10 млн еврога сотмади  1 11:58Меҳди Таремининг янги клуби маълум  2 11:31Аканжи "Милан"нинг шартларини қабул қилмаяпти, "Сити" ҳимоячиси EЧЛда ўйнашни истамоқда  0 10:31Германияга етиб борган Жексоннинг "Бавария"га ўтиши бекор бўлди. Нега?  3 10:00Салоҳ АПЛ чемпионлигига асосий даъвогар жамоа номини айтди  8 09:32Украиналик футболчи учун курашда "Бенфика" ютиб чиқди  1 08:40Бухорога Суперлига ўйинларини қайтариш ҳаракати бошланди  8 08:17Sofascore. Захирадан майдонга тушган Ўринбоев энг катта баҳолардан бирини олди  5

“Нефтчи” ФК Учкўприк туманидаги болалар футбол мактабига ташриф буюрди News

“Нефтчи” ФК Учкўприк туманидаги болалар футбол мактабига ташриф буюрди

2014 йил – “Соғлом бола” йили муносабати билан “Нефтчи” футбол клуби куни-кеча Фарғона вилоятининг Учкўприк туманида жойлашган болалар ва ўсмирлар футбол мактабига ташриф буюриб, у ерда шуғулланаётган ёш йигитлар билан учрашди.
Клуб раҳбарияти ташаббуси билан ўтказилган тадбирда жамоа номидан бош мураббий Мурод Исмоилов, мураббий Андрей Фёдоров ҳамда футболчилар Акмал Холматов, Александру Оника ва Сардор Мирзаев иштирок этди. Таниқли номларнинг ташрифи табиийки у ерда футбол сир-асрорларини ўрганаётган болаларда катта қизиқиш уйғотди.

“Нефтчи” устози футбол мактабида ёшлар билан ишлаётган мураббийлар билан суҳбатлашиб, у ердаги иқтидорли ўйинчилар ҳақида маълумот олди ва уларга керакли кўрсатмалар берди. Жамоа сардори Акмал Холматов бошчилигидаги футболчилар эса ёшларга мастер класс ўтказиб, ўз тажрибалари билан ўртоқлашди. Бу эса футбол мактабидаги ёшларга келажакда қўл келиши турган гап. Уларнинг ўзлари ҳам бундан бениҳоят хурсанд эканлигини яширмади. Шунингдек “Нефтчи” аъзоларининг футбол мактабига ташрифи маҳаллий мухлисларда ҳам катта қизиқиш уйғотди. Шу куни стадионга кириб бевосита мастер классни кузатган ашаддий ишқибозлар сони кўпчиликни ташкил этгани ҳам сўзимизга исбот бўла олади.

Тадбирдан сўнг “Нефтчи” устози Мурод Исмоиловнинг бу ҳақда фикрлари билан қизиқдик.

- Ушбу болалар ва ўсмирлар футбол мактабига ташрифдан кўзланган мақсад, нафақат шаҳар балки тумандаги иқтидорли болаларни излаб топиб, жамоамизга жалб этишдир. Қишлоқларда истеъдодли футболчилар кўп. Биз буни яхши англаган холда, дастлабки юришимизни Учкўприк туманидан бошладик. Бу ерда мураббийлар билан суҳбатлашиб, ўзини кўрсатишга эришаётган ёшлар ҳақида маълумот олдик. Келгусида уларни янги очиладиган академиямизга саралаш жараёнида жалб этиб, синовдан ўтказамиз. Бу тадбир ҳали бошланиши. Насиб қилса кейинчалик вилоятимизнинг бошқа туманларидаги футбол мактабларида ҳам бўлиб, улар билан ҳам яқиндан танишамиз. Асосий мақсадимиз вилоятдаги иқтидорли ёшларни топиб, уларни келгусида “Нефтчи” учун фойдаси тегадиган ўйинчи қилиб етиштиришдир – дейди Мурод Музаффарович.
Rating:    

Comments

championat.asia
< show latest news
Яндекс.Метрика