Небойша Йовович: "Насаф" бугун креативлик ва бўшлиқ яратишда оқсади. Биз эса интизомни сақлаб қолдик"

– Бош мураббийнинг ўйин хақидаги фикрлари қандай?

– Ўйинчиларимга раҳмат айтаман. "Насаф"ни ҳам табриклайман. Икки жамоа ҳам ҳужумкор ўйнади. Улар яхши ўйин кўрсатишди. "Насаф" биринчи бўлимда яхшироқ ҳаракат қилди. Иккинчи бўлимнинг керакли пайтларида ўйинни биз назорат қилдик. Биз бугунги ўйин натижасидан қониқдик. 

– Учрашувнинг энг яхши футболчиси Амир Аҳмад Исмоил:

– Жамоадошларимга ва мураббийга раҳмат. Биз катта жамоа эканимизни кўрсатдик. Осон ўйин кечмади. "Насаф" осонликча мағлуб бўладиган жамоа эмас эди. 

– Бугунги ғалабага кўпроқ иштиёқ сабаб бўлдими ёки омадми?

– Омад ҳақида гапиришдан олдин ўша омадга муносиб бўлишингиз керак. "Насаф" бугун кўп имкониятлар яратди. Биз ўйин пайти интизомни сақлаб қолдик ва "Насаф"нинг камчилигини топдик. Рақиб бугун креативлик ва бўшлиқ яратишда оқсади, шу сабабли биз ғалаба қозондик. 

– Жаноб мураббий, бугунги об-ҳаво ўйинга таъсир ўтказмадими?

– Мураббий сифатида менга ҳеч қандай таъсир ўтказмади. Футболчилар эса об-ҳавога яхши мослашишди. Албатта, Қувайтда бу каби совуқ бўлмайди, аммо бу бизга таъсир ўтказмади. 

– Ғалаба қозониб турган жамоани иккинчи таймда мағлуб қилиш учун "Кувайт СК" нималарни ўзгартирди?

– Биз баъзи позицияларни ўзгартирдик. Майдон марказида ротацияни амалга оширдик. Биринчи бўлимда бир қанча кроссларни амалга оширишга ҳаракат қилгандик. Насруллаев ва Чолович бу кроссларда бизга ҳалал қилиб қолишди. Бу ғалаба бизга осон бўлгани йўқ, узоқ сафар, биз одатланмаган об-ҳаво ва ҳаказо.