"Навбаҳор" ўртоқлик баҳсида Россия клуби устидан минимал ғалабага эришди

Миллий Футбол Лигасининг "Енисей" клубига қарши кечган баҳсда наманганликлар Иброҳим Йўлдошевнинг 45-дақиқада урган голи эвазига зафар қучишди. 

"Навбаҳор" – "Енисей" 1:0

Гол: Иброҳим Йўлдошев 45' (голни томоша қилиш учун ЛИНК)

Кеча "Рубин"га йирик ҳисобда имкониятни бой берган "Навбаҳор" бугун яна назорат беллашувида қатнашди. Фақат бу сафар жамоа 30 дақиқадан 2 тайм ўйнади. 

Алоҳида айтиш жоиз, Самвел Бабаян ушбу баҳсда асосан кеча кам ўйнаган футболчилар хизматидан фойдаланди, "Навбаҳор"ни майдонга сардор сифатида Владимир Козак бошлаб тушди.