"Насаф"га ОФК кубогини олиб берган Анатолий Демьяненко ҳозир қаерда?
23 may 2021 13:34
News

"Насаф"га ОФК кубогини олиб берган Анатолий Демьяненко ҳозир қаерда?

Ўтмишда мухлисларнинг диққат марказида бўлган, аммо сўнгги пайтларда катта саҳнадан бироз чекинган футбол кишилари ҳақида маълумот берувчи рукнимиз давом этади.

Украина футболи афсонаси Анатолий Демьяненко "Насаф"нинг гуллаган даврларида (2010-11) Қашқадарёда фаолият юритганидан хабарингиз бор.

"Аждарлар" унинг мураббийлигида ОФК кубогида зафар қучишган эди. Днепропетровсклик мутахассис Ўзбекистон Олий Лигасини тарк этгач, бир муддат Украинада Луцкнинг "Волинь" клубида, кейин Словакиянинг "Нитра" жамоасида ишлади ва шундан кейин мураббийлик фаолиятида танаффус юзага келди.

62 ёшли Анатолий Васильевич айни пайтда Украина футбол ассоцацияси тизимида фаолият юритмоқда. У 2020 йилнинг 27 июнь куни мазкур ташкилотнинг визе-президенти этиб тайинланган эди.