"Насаф", "Пахтакор", "Нефтчи" ва "Сурхон" футболчилари ОТЖнинг Доҳадаги йиғинига чақирилди!

Championat.asia маълумотларига кўра, Алибек Давронов, Муродбек Раҳматов (иккиси "Насаф"), Жасур Жалолиддинов, Ҳусайн Норчаев (иккиси "Нефтчи"), Владимир Назаров,  Беҳруз Асқаров, Пўлатхўжа Холдорхонов ("Пахтакор") ва Улуғбек Ҳошимов ("Сурхон") ОТЖга чақирилди. Тўлиқ рўйхат ҳали расман эълон қилинмаган.

Маълумот учун,  Ўзбекистон Олимпия терма жамоаси март ойидаги ФИФА кунларида Доҳада ўқув-машғулот йиғинларини ўтказади. Тимур Кападзе шогирдлари йиғин доирасида Қатар U-23 терма жамоасига қарши ўртоқлик ўйинларида майдонга тушади.

Эслатиб ўтамиз, Париж олимпиадасига йўлланма берувчи U-23 Осиё кубоги шу йилнинг 15 апрелидан 3 май санасига қадар айнан Қатар мамлакатида бўлиб ўтади. Ўзбекистон U-23 терма жамоаси "D" гуруҳида Вьетнам, Кувайт ҳамда Малайзияга қарши баҳс олиб боради.