Latest news

09:52“Арсенал“ “Челси“ футболчисини 60 миллион еврога сотиб олади (Романо)  1 09:23Россиялик ҳужумчи иккинчи даврани Ўзбекистонда ўтказиши мумкин  2 08:55Here we go! “Реал“ яна бир футболчи билан келишувга эришди  7 08:26“Насаф“нинг яна бир етакчиси легионерга айланиши мумкин  4 07:57“Пахтакор“ ҳужумчиси иккинчи даврани “Динамо“да ўтказади  2 07:34Элдор Шомуродов хайрлашув хатини ёзди  9 01:34"Тоттенхэм" ўз тарихидаги энг қиммат трансферни амалга оширишга яқин  1 01:08Расман: Элдор Шомуродов - "Истанбул Башакшеҳир" футболчиси!  13 00:59Тео Эрнандес: "Милан" мен учун энг асосийси эди, сўнгги пайтдаги чиқарилган қарорлар мени шу ерга етаклади"  5 00:25"Атлетик" футболчиси Альварес футболдан четлатилди  1 23:53Скотт Мактомини: "Неаполдаги ҳаёт умуман бошқача"  3 23:25Қирғиз Республикаси термаси собиқ бош мураббийи "Алга"ни бошқаради  0 22:42А Серия учрашуви Австралияда ўтказилиши мумкин  0 22:16"Милан" ва "Вулверхэмптон" Олимпиадада Ўзбекистонга гол урган футболчига қизиқмоқда  6 21:50Чиро Иммобиле "Болонья"га ўтди  0

Намангандаги “Марказий” ўйингоҳ чими янгиланади, “Навбаҳор” яқинда янги базага эга бўлади News

Намангандаги “Марказий” ўйингоҳ чими янгиланади, “Навбаҳор” яқинда янги базага эга бўлади

Наманганнинг “Навбаҳор” жамоаси янги мавсум ҳозирлигини аллақачон бошлаб юборди.

Наманганликлар клублар олдига қўйилаётган энг асосий талаблардан бири – яхши шарт-шароитга эга стадион ҳамда яхши ҳолатдаги майдонга эга бўлиш мақсадида иш-режа ишлаб чиқиб, уни амалга ошириш ишларини бошлади.

Клуб вице-президенти Шамшод Сариковнинг таъкидлашича, Намангандаги “Марказий” стадион чими тўлиқ янгиланади. Ҳозирда “Навбаҳор” жамоасининг уй стадионига Голландиядан сифатли чим олиб келиш бўйича фаол иш олиб борилмоқда экан.

- ПФЛ клублардан яхши инфратузилмага эга бўлиш, айниқса, стадион ва яхши ҳолатдаги майдонда ўйинларни ўтказишни талаб қилаётгани жуда тўғри. Бу талабларнинг қатъий ижросини аллақачон қилиш керак эди. Мана бизнинг клуб ҳам ушбу талаблар ижроси “Навбаҳор” учун жуда фойдали эканини тўлиқ англаган ҳолда бу борада енг шимариб иш бошлаб юбордик.



Биласизми, “Марказий” стадионнинг ёнгинасида бизнинг захира майдонимиз ҳам мавжуд. Айнан мана шу захира майдони чимини ҳам яхши ҳолатга келтирмоқдамиз. Шу билан бир қаторда асосий ўйинларимиз ўтадиган “Марказий” ўйингоҳда идеал ҳолатдаги чимга эга бўлиш борасида ҳам ишлаяпмиз. Чимни Голландиядан олиб келамиз. Ҳозирда “Марказий” стадиондаги майдон чимини эҳтиёткорлик билан кўчириб олиб, уни захира майдонига ўтказяпмиз. Асосий стадион майдонига эса Голландиядан келтириладиган сифатли чим жойлаштирилади.

Чимни ҳамиша яхши ҳолатда ушлаб туриш учун унга мавсум давомида ҳам яхшилаб парвариш лозим бўлади. Шуни инобатга олиб, суғориш тизимини ҳам италян технологияси асосида янгилаяпмиз. Парваришлайдиган ускуналар ҳам замонавийларига алмаштириляпти.



Яқин орада Намангандаги “Марказий” ўйингоҳда ҳам сифатли майдон бўлади ва мухлислар насиб этса келгуси йили яхши ҳолатдаги майдондаги ўйинларимизни мазза қилиб томоша қилишади.

Янги мавсум олдидан яхши тузилмага эга бўлиш учун анча тер тўкамиз ҳали. Яна бир янгилик шундан иборатки, Тўрақўрғонда “Навбаҳор” жамоаси учун янги ўқув-машғулот қароргоҳи барпо этиш ишлари ҳам бошланиш арафасида. Бу борада ҳали яна батафсил маълумот берамиз. Асосисйи шуни таъкидлай оламанки, яқин орада “Навбаҳор” юртимиздаги энг яхши шароитга эга қароргоҳ билан таъминланади,  - деди Шамшод Сариков.


Rating: +47   

Comments

championat.asia
< show latest news
Яндекс.Метрика