Наманаган футбол ассоциацияси президенти тақдирланди

Наманган вилояти ҳокими, вилоят футбол ассоциацияси президенти Хайрулло Ҳайитбаевич Бозоров мамлакатимизда жисмоний тарбия ва спортни ривожлантириш ҳамда кенг оммалаштириш, ёшлар ўртасида соғлом турмуш тарзини қарор топтириш борасидаги салмоқли ҳиссалари учун мамлакатимизда жорий этилган “Жисмоний тарбия ва спорт аълочиси” кўкрак нишони билан тақдирланганди.

Ўзбекистон Республикаси Жисмоний тарбия ва спорт вазири Дилмурод Набиев 12 сентябрь куни Наманган шаҳрида бўлиб ўтган Наманган вилоят   1-сонли футбол маҳорат мактабининг янги биносини фойдаланишга топшириш маросимида ушбу мукофотни Хайрулло Бозоровга тантанали равишда топшириб, вилоятимиз раҳбарига ёш авлодни спортга йўналтириш, спорт равнақига беғараз кўмаги учун миннатдорчилик билдирди.

Биз ушбу мукофот билан Хайрулло Бозоровни табриклаб, вилоятимиз спорти, шу жумладан, футболни ривожлантириш ишларида омад ёр бўлишини тилаймиз.