МЮ, "Реал", "Барселона", "Ювентус" ва яна 8 клуб Суперлига тузмоқчи. "Бавария" ва ПСЖ бунга қарши
18 apr 2021 20:57
News
![](https://championat.asia/upload/storage/632003_original.jpg)
![](/upload/storage/632003_220.jpg)
МЮ, "Реал", "Барселона", "Ювентус" ва яна 8 клуб Суперлига тузмоқчи. "Бавария" ва ПСЖ бунга қарши
"The New York Times" нашрининг ёзишича, клублар аллақачон янги турнир тўғрисида принципиал келишувга эришишган ва 12 жамоа таъсисчи мақомини олиб, Суперлигани бошлашни режалаштираётганларга қўшилиш истагини билдирган.
Гап АПЛнинг топ-6 клуби, Ла Лига ва А Сериянинг 3 тадан клуби ҳақида бормоқда: "Манчестер Юнайтед", "Ливерпуль", "Манчестер Сити", "Арсенал", "Челси", "Тоттенхэм", "Реал Мадрид", "Барселона", "Атлетико", "Ювентус", "Милан", "Интер".
Шунингдек, ташаббускорлар гуруҳи "Бавария" ва "Боруссия" Дортмунд жамоаларини ҳам ишонтиришга уриниб кўрди. Лекин, немис клублари рад жавобини беришган. Улар қитьа миқёсидаги одатий мусобақалардан воз кечмасликка қарор қилишган.
"Пари Сен-Жермен" ҳам Суперлигага таклиф қилинган, аммо клуб рози бўлмаган. Боиси шундаки, ПСЖ президенти Носсир Ал-Хелайфи УЕФА директорлар кенгаши таркибида бор. Шунингдек, у Қатарнинг "beIN Media Group" телекомпаниясини бошқаради ва Чемпионлар Лигаси трансляция ҳуқуқини сотиб олиш учун миллионлаб доллар сарфлаган.
Similar news
![AMP Logo](https://championat.asia/image/logo-amp.png)
Comments