Музаффар Абдуллаев: "Маҳорат эвазига рақибларимизни мағлуб этдик"

Турнир якунида сайтимиз мухбири "Мусобақанинг энг яхши дарвозабони" номинацияси ғолиблигини қўлга киритган тажрибали дарвозабон Музаффар Абдуллаевнинг фикрлари билан қизиқди.

- "Ҳоким кубоги" мусобақаси Суперлига янги мавсумига тайёргарликнинг бир қисми бўлди" - дейди тажрибали посбон. "Дастлаб "Қўқон-1912" жамоаси ушбу мусобақада шунчаки иштирок этмоқда деган гап-сўзлар ҳам тарқалди. Биз олдимизга "Ҳоким кубоги" мусобақасида ғолибликни мақсад қилиб қўйдик.

Албатта, ғолибликни қўлга киритиш осон бўлгани йўқ. Турнир давомида бизга жиддий рақиблар дуч келишди. Биз астойдил ҳаракат ва маҳорат эвазига рақибларимизни мағлубиятга учратдик.

"Энг яхши дарвозабон" номинациясида ғолиб чиқиш албатта ёқимли. Бундай эътироф футболига қўшимча иштиёқ беради, ҳаракатга ундайди.

Турнир давомида узоқ йўл босиб келиб бизни қўллаб-қувватлаб турган жамоамиз мухлисларига раҳмат айтамиз. Албатта, Суперлига ўйинларида ҳам уларни хурсанд этишга ҳаракат қиламиз. Янги мавсумда жамоамиз билан биргаликда юқори ўринлар учун курашишни мақсад қилганмиз" - дейди Музаффар Абдуллаев.

Бекзод Толибов ёзиб олди