Latest news

20:10Ўзбекистон Кубоги. “Бунёдкор” — “Локомотив”, “Бухоро” — “Наманган ФА”, “Қўқон-1912” — Қизилқум”, “Замин” — “Андижон ФА”  4 19:48Ўзбекистон Кубоги. "Локомотив" 6 очко тўплаган бўлсада гуруҳда қолиб кетди, "Қўқон-1912" ва "Қизилқум" кейинги босқичда  4 18:45Франция терма жамоасига чақирилганлар рўйхати эълон қилинди  5 18:27"Футбол олами". Олмалиқда триллер, "Навбаҳор", "Пахтакор" ва "Насаф"нинг сафардаги ғалабалари — 10-тур ҳақида батафсил   2 17:13Жаҳон чемпионати бошланди. Бугун Ўзбекистон ўйнайди  2 16:57АПЛнинг жорий мавсумдаги энг ёмон трансферлари эълон қилинди (ТОП 10)  1 15:48Роналдунинг фитнес-браслети унинг биологик ёши 29да эканини кўрсатди: "Демак, яна 10 йил ўйнайман"  8 15:14Европа лигаси финали учун превью: "Тоттенхэм" - "Манчестер Юнайтед"  5 14:22МЮ ва "Тоттенхэм" мухлислари Бильбаодаги Европа лигаси финали олдидан Сан-Себастьянда муштлашишди  4 13:40Марказий Осиё. Қозоғистон ва Қирғиз Республикасида пешқадам ўзгарди, "Истиқлол" мағлубиятга учради, "Аркадағ" эса...  3 13:23Дель Пьеро мураббийлик лицензиясини олди: "Бугундан бошлаб мени "мистер" деб аташингиз мумкин"  6 12:21Агар МЮ Европа лигасида ғалаба қозонса Делап "қизил иблислар"га ўтади  9 11:49"Манчестер Сити" стадион ёнида де Брюйне ҳайкали ўрнатилади  1 10:51Беллингем фаолиятини Германиянинг ТОП жамоаларидан бирида давом эттириши мумкин  1 10:23Уч нафар ҳужумчи ёзда “Ливерпул”ни тарк этиши мумкин  8

Мухлислар стадионга киритилмайди? Муаммо эмас! Ўйинни машинада ўтириб кўрамиз! News

Мухлислар стадионга киритилмайди? Муаммо эмас! Ўйинни машинада ўтириб кўрамиз!

Улар 2000та машинани тўплаб, Гиннесс китобида рекорд ўрнатишмоқчи.

Данияда коронавирус пандемиясига чалиниш ҳолатлари аста-секинлик билан камаймоқда: касаллик юқтириб олиш ҳолатлари кундан-кун ўсиб кетаётгани йўқ, ўлимлар сони ҳам кунига 10-15тани ташкил этмоқда (20 апрель ҳолатига кўра жами касалланган — 7711, вафот этган — 364, соғайган — 4499тани ташкил этмоқда). Мамлакат аввалги ҳаёт тарзига қайтиш борасида бош қотира бошлади. Шу билан бирга, футболни қайтариш ҳақида ҳам баҳс-мунозалар бўлмоқда. Март ойи ўрталаридан Даниядаги барча спорт турларига танаффус эълон қилинган эди. Лигани қуйидаги учта санадан бирида бошлаш режалаштирилган: 17, 24 ва 31 май ва бу режа июль охирларига қадар давом этиши кўзда тутилмоқда.

"Ҳукумат Дания мамлакатини очиш режасини тайёрлаб қўйди — шунга кўра, биз ҳам клублар жадвалини тузиб чиқамиз, — дейди профессионал футбол тизимининг ижрочи директори Клаус Томсен. — Баъзи клублар ўз ходимлари ва футболчиларини ишга қайтаришга ҳам улгурди. Баъзилари кичик-кичик гуруҳ бўлиб машғулот ҳам ўтказмоқда. Аста-секинлик билан клублар сони кўпайиб боради ва май ойининг иккинчи ярмидан футболни қайтаришимиз мумкин бўлади, деб умид қиламиз".

Аввалига ўйинлар томошабинсиз ўтказилади — сабаби пандемиянинг иккинчи тўлқини содир бўлиш хавфи жуда юқори. Клублар ушбу вазиятдан чиқиш учун қизиқарли ҳамда хавфсиз бўлган йўлларни излашмоқда. Энг ажойиб ва ноодатий бўлган таклифни 12 очколик фарқ билан чемпионлик томон дадил одимлаётган "Мидтьюлланд" клуби берди.

Клуб ғоясига кўра, стадион атрофида ҳақиқий автокинотеатр ташкил этиш — худди Америкадаги каби. "MCH Арена" автотураргоҳига ўйинни тўғридан-тўғри намойиш этиб берадиган катта экранлар ўрнатилади.

"Мидтьюлланд" ходимларининг сўзларига кўра, стадион атрофига 12 мингта машина сиғишига қарамай, 2 мингта машина киришига рухсат берилар экан. Одамлар ўз машинасида ўтириб, масофа сақлаган ҳолда ўйинни томоша қилишлари мумкин бўлади. Аммо худди трибунада ўтиргандек, ҳамма бир-бирининг ҳиссиёти ва бақириқларини эшитган ҳолатда севимли жамоасига мухлислик қилади.


Айтганча, автокинотеатр учун жой ҳам тайёр.

Атмосферани яратиш учун футболдаги барча маросимлардан фойдаланиш кўзда тутилган. Яъни, автотураргоҳда "Мидтьюлланд" ҳар ўйинидан аввал жаранг сочадиган Марказий Ютландия мадҳияси янграйди ҳамда алоҳида радиочастотасида баҳс шарҳи ҳам олиб борилади. Ҳаттоки, турли егуликлар ҳам сотилиши режага киритилган.

"Афсуски, дастлабки учрашувлар томошабинсиз ўтказилади, бироқ биз ўйин атрофида ҳақиқий футбол атмосферасини яратмоқчимиз. Умид қиламанки, ҳеч қандай вирус бизга ҳалал беролмайди. Биз мухлислар хавфсизлиги ва қулайлигини таъминлаш мақсадида полиция, ҳокимият ва стадион ходимлари билан доимий алоқада бўлиб турамиз", — дейди "Мидтьюлланд"нинг жамоатчилик билан алоқалар бўйича директори Пребен Рокьаер.

Агар ҳаммаси аъло даражада ўтса, ушбу тажриба давом эттирилади ва янада кенг йўлга қўйилади. Шунингдек, "Мидтьюлланд" Гиннесс рекордлари китобига кириш учун ҳам сўров юборди. Эҳтимол, уларнинг режаси амалга ошиб, футболни тўғридан-тўғри томоша қилиш мумкин бўлган дунёдаги энг катта автокинотеатрни яратишар?!

Хўш, сиз-чи? Севимли жамоангиз ўйинини шундай атмосферада томоша қилишни истайсизми?!


Нозима Зарипова таржимаси

Rating: +9   

Comments

championat.asia
< show latest news
Яндекс.Метрика