Мурод Ражабов Сербия Суперлигасида ўйнайди
13 sep 2016 12:28
News

Мурод Ражабов Сербия Суперлигасида ўйнайди

"Олмалиқ" клуби ярим ҳимоячиси Мурод Ражабов фаолиятини Сербияда давом эттирадиган бўлди.

Ярим ҳимоячи Сербия Суперлигасининг "Нови Пазар" клуби билан шартнома тузди. Футболчи янги клуби таркибида 44-рақамда ўйнайдиган бўлди. Ушбу клуб 1928 йилда тузилган. 2012 йилдан буён Сербия Суперлигасида иштирок этиб келмоқда.

Айни пайтда клуб 7та ўйиндан 8 очко тўплаб мусобақа жадвалининг 11-поғонасида бормоқда. Эслатиб ўтамиз, Мурод Ражабов Сербияда ўйнайдиган иккинчи ўзбекистонлик футболчига айланди. "Явор" клуби таркибида ўзбекистонлик Ҳусниддин Ғофуров тўп тепмоқда.