Мурод Исмоилов: “Орқага йўл йўқ эди”

“Олмалиқ” жамоа яхши шаклланган жамоа. Биламизки “Олмалиқ” жамоасини тажрибали мураббий Игорь Шквирин бошқариб бормоқда. Жамоанинг кучини эгаллаб турган ўрнидан ҳам билишимиз мумкин”, - деб гап бошлади Мурод Исмоилов.

Таркибидаги ўйинчилар ҳам яхши савияда эканлигини билардик. Бугун бизда орқага йўл йўқ эди. “Олмалиқ”ни яхшилаб ўрганишга ҳаракат қилдик. Уларни ўйини туширилган дисклар орқали жамоани ўйинини таҳлил қилиб чиқдик. Ҳозир жамоамизда янги мураббийлар иш бошлашди. Сергей Лебедов ва Андрей Фёдоровнинг ҳам ўйинга тайёргарлик кўришимизда фойдалари тегди деб ўйлайман.

- Биласизки 7 турдан буён ғалаба нима эканлигини билмай келаётгандик. Биринчи голдан кейин йигитларни ўйинида озгина пасайиш кузатилди. Бунга сабаб қилиб шогирдларимни озгина руҳий томондан оқсаганликларини айтишим мумкин. Машғулотлар давомида яхши ҳаракат қилган ўйинчилар бугун озгина ҳаяжон билан тўп тепишди.
 
- Гвазаванинг ҳозирги жисмоний ҳолати 30-35 дақиқани кўтара олади. “Пахтакор”га қарши баҳсда жароҳат олгандан сўнг энди майдонга тушди. Унинг жисмоний ҳолати ўйиндан-ўйинга яхшиланиб боришига умид қиляпмиз.

- Ҳар қандай ҳолатда бўлишимиздан қатъий назар ёшларга эътибор қаратамиз. Мана бугун кўрдинглар Отабек Зокировни бошланғич таркибда туширдим. Унда озгина ҳаяжон сезилиб турганди. У бу ҳаяжонни енгиб чиқа олмади. Шунинг учун алмаштиришга қарор қилдим.

- Пенальти бу лоторея. Кубок ўйинида Қўқонда Клецков пенальтини ажойиб тарзда амалга оширишга муваффақ бўлганди. Бугун ҳам мен агар ўйин пайти пенальти бўлгудек бўлса Клецков тепишини айтгандим. Афсус у бу имкониятдан фойдалана олмади.

Комилжон Икромов ёзиб олди.