Мурод Исмоилов: "Навбаҳор"га қарши ўйинда таркибда ўзгаришларни амалга оширишимиз мумкин"

"Пахтакор" билан ўйиндан сўнг ўтказилган матбуот анжуманида Мурод Исмоилов айнан водий дербиси олдидан ҳам ўз фикрларини айтиб ўтганди. Фарғоналиклар устозининг айтишича "Нефтчи" бугун фақат ғалаба учун майдонга тушади.

- Футболчиларимизнинг жисмоний холати яхши. Фақат уларни ҳозирда руҳий холатини кўтаришимиз керак. Йигитларнинг ҳаммаси илгари юқори савияда ўйнаган. Назаримда уларга озгина ишонч етишмаяпти. Шуларни бартараф эта олсак, ҳаммаси яхши бўлишига ишонаман. Бунинг учун озгина вақт керак. "Навбаҳор" билан кечадиган ўйинда таркибда айрим ўзгаришларни амалга оширишимиз мумкин. Негаки айрим йигитлар ўзларига билдирилган ишончи оқлай олишмади. Таркибимизда бир қатор ёшлар ўзларини кўрсатишга эришмоқда. Агарда уларга ишонч билдирмасак ўсишдан тўхтаб қолади. Шу билан бирга натижа ҳам бўлиши керак. Шунинг учун бу қийин жараён. Дербида таркибда 1-2та ўзгаришлар бўлади. Лекин асосий таркибни тез-тез ўзгартириш ҳам ўзини оқламайди. Сабаби йигитларни бир-бирига ўрганиб олишида бу холат ҳалақит беради.

- Биз учун ҳар бир ўйин қийин бўлади. Нафақат Намангандаги учрашув. Балки ундан кейинги ўз майдонимизда "Қизилқум" қарши кечадиган баҳс ҳам хоҳлаймизми йўқми осон бўлмайди. "Навбаҳор" ҳам кучли жамоа. Биз бўлажак ўйинга ҳар доимгидек жиддий қараб, унга пухта тайёргарлик кўришга ҳаракат қиламиз. Водий дербиси азалдан қийин кечган. Унда кўп нарса омадга ҳам боғлиқ.