Мундиал олдидан. Равшан Хурсанов: "Майдонга тушгач, боримизни беришга ваъда берамиз"

"Яхши ниятлар билан йўлга чиқдик. Бизни бутун халқимиз қўллаб-қувватлаб туришини ҳис қиламиз ва майдонга тушган ҳар бир футболчи юракдан ўйнашига ваъда берамиз. Оддий турнир ёки чемпионат олдида эмасмиз. Жуда катта маъсулият ва босим бўлади. Биз уддалашимизга ишонаман", - дейди Равшан Хурсанов.

- Айнан босим ҳақида гапирдингиз. Бу жамоа учун , айниқса Жаҳон чемпионатида биринчи марта иштирок этаётган футболчиларга қийинчилик туғдирмайдими ?

Ҳар бир футболчини орзуси Жаҳон чемпионатида ўйнаш. Кимдир қачондир биринчи марта ўйнайди. Ўйлайманки кучли босим майдонга тушгунча бўлади. Рақибларимиз жиддий. Германия Европа чемпиони, Фижи Океания чемпиони бўлса, Гондурас вице-чемпионлардир. Ҳар бир жамоанинг кучли жиҳатлари бор. Уларни ҳурмат қилган ҳолда Ўзбекистон гуруҳда етакчи жамоадир дея оламан.

- Ёшларимизнинг йиғинлари давомида асосий ҳужумчилар сифатида Шомуродов ва Ўринбоев майдонга тушди. Ҳужумчи сифатида бу чизиқ борасида қандай фикрдасиз?

Майдонга ким тушиши эмас, натижа қандай бўлиши энг муҳимидир. Албатта ҳар бир футболчи майдонга тушишни, ҳужумчи эса гол уришни истайди. Менда ҳам бундай ниятлар йўқ эмас. Мураббий айни шу вақтда кимни энг муносиб деб топса ўша ўйнайди. Қолган барча футболчилар майдондаги 11 кишини қўллаб қувватлашига ишонаман.