Муҳим беллашувга оз қолмоқда. Терма жамоа йиғинига ким қайси вақтда етиб келади?

Хориждаги футболчилар: Юсупов ва Ўрунов аллақачон шу ерда

Айни пайтда Ўткир Юсупов ва Остон Ўрунов спорт формасини сақлаб қолиш мақсадида Тошкентда "Локомотив" жамоаси сафида машғулот олиб бормоқда. Қолган легионерлар ҳақида аввалроқ маълумот бериб ўтган эдик. Эътибор қаратиш лозим бўлган асосий жиҳат — қолган футболчиларнинг терма жамоага қачон қўшилиши.

Жалолиддин Машарипов кеча жамоаси "Истиқлол" билан Эрон Кубоги ярим финалида "Санат Нафт"ни енгиб финалга йўлланма олди. Финал учрашуви 29 май куни "Малаван"га қарши бўлиб ўтишини ҳисобга олсак ҳамюртимиз илк кунги машғулотларни ўтказиб юборади ва катта эҳтимол билан 30 санада келиб қўшилади. 

Эрон Кубоги. Финал

29.05.2025.

"Малаван" - "Истиқлол"

Рустам Ашурматов "Рубин" билан кеча охирги учрашувини ўтказди. У ҳам 29 май санасида шу ерда бўлади.

Элдор Шомуродов бугун А Серияда мавсумдаги охирги учрашувида иштирок этади.

25.05.2025 38-тур

"Рома" - "Торино"

Абдуқодир Ҳусанов ҳам Шомуродов сингари АПЛда мавсумни якунлаб ортга қайтади. 

25.05.2025. 38-тур

"Фулхэм" - "Манчестер Сити"

Отабек Шукуров жамоаси "Ал Файҳа" эртага "Ал Шабаб" билан тўқнаш келади. Мазкур беллашувдан сўнг у терма жамоа томон отланади.

26.05.2025. 34-тур

"Ал Файҳа" - "Ал Шабаб"

Озарбайжон чемпионатида кеча мавсум ниҳоясига етди. Бобир Абдихолиқов ҳаракат қиладиган "Сумгаит" лигадаги ўрнини сақлаб қолди. Унда ортиқча муаммо кузатилмайди. 

БАА Про лигасидаги икки футболчимиз Азиз Ғаниев ва Ҳожимат Эркинов жамоалари бугун 26-турда ўзаро тўқнаш келишади.

25.05.2025. 

"Ал Батеҳ" - "Ал Ваҳда"

Суперлига футболчилари ҳам бирин-кетин етиб келади

• "Пахтакор" жамоаси бугун, 25 май куни "Хоразм"га қарши баҳс олиб боради. Учрашувдан сўнг футболчиларга қисқа танаффус берилиб, 29 май куни терма жамоа лагерига етиб келишлари кутилмоқда.

  • Хожиакбар Алижонов

  • Абдулла Абдуллаев

  • Абдурауф Бўриев

  • Игорь Сергеев

• "Насаф" 11-тур учрашувини ўтказиб бўлди ва энди улар 27 май куни Суперкубок баҳсида "Андижон"га қарши майдонга тушади. Демак, бу клуб футболчилари терма жамоага ушбу учрашувдан сўнг қўшилади.

  • Умар Эшмуродов

  • Акмал Мозговой

  • Ғолиб Ғайбуллаев

  • Шерзод Насруллаев

  • Зафармурод Абдираҳматов

  • Абдувоҳид Неъматов

• "Нефтчи" жамоаси 24 май куни "Шўртан"га қарши сўнгги ўйинини ўтказди. Улар олдиндаги кунларда бошқа учрашувда майдонга чиқмайди, шунинг учун жамоа аъзолари 29 май куни терма жамоага етиб келишади.

  • Фарруҳ Сайфиев

  • Ботирали Эргашев

  • Иброҳимҳалил Йўлдошев

  • Жамшид Искандеров

• "Навбаҳор" сафидаги Русланбек Жиянов бугун, 25 май куни "Қўқон-1912"га қарши ўйинда қатнашгач, 29 май куни терма жамоа йиғинига қўшилади.

• Ярим ҳимоядаги муҳим фигуралардан бири — Одил Ҳамробеков эса 26 май куни "Бунёдкор" билан "Машъал"га қарши тўп тепиб, 29 майда терма жамоага келиши режалаштирилган.

Улар 2 июнда сафда бўлишади

• Аббос Файзуллаев (ЦСКА)

• Ҳусниддин Алиқулов ("Ризеспор")

• Азиз Турғунбоев ("Сивасспор")

Ушбу уч футболчи ўз жамоаларида 1 июнь куни мавсумни якунлаб, 2 июнь куни терма жамоага етиб келишлари кутилмоқда.