МТЖ лагеридан дарак: Кримец жароҳат олди, Сайфиев эса машғулотларга қайтди

Машғулотлар "Жар" стадионининг захира майдонида ўтказилмоқда.

Бугунги машғулотда марказий ҳимоячимиз Егор Кримец иштирок этмади. Афсуски, "Пахтакор" аъзоси кечаги машғулот пайти тўп учун курашдаги тўқнашувдан сўнг тиззасининг пастки қисмидан енгил жароҳат олган. Терма жамоа шифокори Аброр Пирриевнинг сўзларига кўра, бу жиддий жароҳат эмас. Кримец бугун тренажер залида индивидуал тарзда шуғулланди. Эртага эса жамоа билан бирга чигалёзди машқларни бажаради ва ўзини яхши ҳис қилса, оғриқ сезмаса умумий гуруҳ билан шуғулланиши мумкин бўлади.

Егор Кримец терма жамоа машғулотини ярмидан кейин стадионга келди ва машғулотларни томошабин сифатида кузатди. Ҳимоячимизга саломатлик тилаб қоламиз. Умид қиламиз, у эртадан яна машғулотларга қайтади.

Бундан ташқари, икки кун давомида якка ўзи шуғулланган Фарруҳ Сайфиев бугундан умумий гуруҳ машғулотларига қайтди. Шифокор А.Пирриевнинг сўзларига кўра, Сайфиевнинг орқа мушакларига бироз дам бериш зарур бўлгани сабаб у икки кун индивидуал тарзда енгил машғулот олиб борган. Энди эса ҳаммаси жойида ва чап қанот ҳимоячиси сафга қайтди.

Йиғинга чақирилган яна 3 нафар легионер Элдор Шомуродов, Отабек Шукуров ва Темурхўжа Абдухолиқов яқин кунларда терма жамоа ихтиёрига етиб келишади.

P.S. Бугун Тошкент вақти билан 21:45да старт оладиган баҳсда Отабек Шукуров ва унинг жамоаси "Шаржа" сафарда "Ал Жазира"га қарши баҳс олиб боради.

Al-Jazira

Arabian Gulf League . Round 7 07/11/2019, 20:45 2 : 0 Finished

Sharjah Cultural Club Otabek Shukurov - 20', Mohamed Al Shehhi - 88'

45'

90'

39'  Musallem Fayez

46'  Musallem Fayez (Renner)

52'  Khalifa Al Hammadi

84'  Mourad Batna (Zayed Alameri)

84'  Khalfan Mubarak (Bruno)

20'  Otabek Shukurov

23'  Shaheen Abdulrahman

42'  Ryan Mendes

67'  Omar Juma (Mohamed Al Shehhi)

88'  Mohamed Al Shehhi

90'  Ryan Mendes (Mohammad Abdulbasit)

Open in Match Center