Моуринью "Ман Сити"нинг қоидабузарликлари ҳақида: "Қонун бўйича 2017/18 мавсумда МЮ чемпион бўлиши керак эди"

"Бу клуб учун муҳим пайт эди – фақат сэр Алекснинг кетиши сабабли эмас, балки [МЮ собиқ ижрочи директори] Дэвид Гиллнинг кетиши сабабли ҳам.

Мен Дэвид Мойесдан кейинроқ келдим ва ўша пайтда клуб ҳали ҳам оғир даврни бошдан кечираётган эди.

Биз бир неча соврин ютиб, лигада иккинчи ўринни эгалладик. Мен ҳанузгача тушунмайман, нега молиявий фейр-плей қоидаларини бузган клублар жазо тариқасида пул тўлайди. Менимча, улар очколар билан жавоб бериши керак.

"Манчестер Сити" жазоланди ва қонун бўйича биз чемпион бўлишимиз керак эди" – деди МЮнинг собиқ бош мураббийи, ҳозирда "Фенербахче"ни бошқараётган Моуринью Canal 11 га берган интервьюсида.

2017/18 йилги мавсумда "Манчестер Сити" 100 очко тўплаб Англия чемпиони бўлди. "МЮ" 81 очко билан иккинчи ўринни эгаллади.

2023 йил февралда АПЛ "Манчестер Сити"ни 2009 йилдан 2018 йилгача бўлган даврда молиявий қоидаларнинг 115 турли хил бузилишларида айблаган эди.