Моуриньо: МЮдан бошқа барча жамоалар ёзда таркибни кучайтиришди

“Барча жамоалар ёзда таркиблаарини кучайтириб олишди, фақат МЮ эмас.Тўғри, “Тоттенхэм” ҳам сафига юлдузларни жалб этмади. Аммо энг яхши инвестиция бу, таркибдаги энг яхши футболчиларни сақлаб қолишдир. 

“Манчестер Юнайтед”нинг турнир жадвалида кучли тўртликдан ортда қолаяпти. Кўпчилик улар билан орамиздаги фарқ бу даражада бўлиши керак эмас, деб ҳисоблаяпти. 

Ўтган йили бизнинг хизматларимизни муносиб қадрлашмади. Биз чемпионатда иккинчи ўринни эгалладик, Англия Кубоги финалига етиб бордик. ЕЧЛда гуруҳимизда ғолиб чиқдик. Аммо меҳнатларимизни муносиб қадрланмади”, дея Моуриньонинг сўзларидан иқтибос келтирмоқда Goal.

Эслатиб ўтамиз, жорий мавсум аввалида МЮ “Шахтёр”дан Фред Родригес (59 миллион евро), “Порту”дан ҳимоячи Диогу Далот (22 миллион евро) ва “Сток Сити”дан дарвозабон Ли Грантни (1,7 миллион) ўз сафига қўшиб олганди.