Моуриньо: “Берлин девори”ни “бузиш”га тўғри келди”

“Биз бутун ўйин давомида тўпни ўз назоратимизда сақлаб турдик, аммо танаффусга қадар таблода 0:0 ҳисоби ёниб турарди. Ўйлашимча, биринчи бўлимда 85% тўп билан муомала қилдик, аммо бу гол уриш учун етарли бўлмади. Иккинчи бўлимни ҳам шу руҳда давом эттирдик. Ҳисобни очганимиздан сўнг ҳам ўйин тизгинини сақлаб турдик. Ҳимоя чизиғимиз унчалик хавфни ҳис қилгани йўқ.

Биз Давид Вагнер (“Хаддерсфилд” бош мураббийи) томонидан тузилган “Берлин девори”ни “бузиш”имизга тўғри келди. Қувонарли томони, Алексис уун ўз майдонимизда ўтган илк ўйинида ғалабага эришдик. Муҳими, у яхши ўйнади ва барча кутган ўйинни намойиш эта олди”, дея португалиялик мураббийнинг сўзларидан иқтибос келтирмоқда BBC.