MLS. “Сиетл Саундерс” - Ғарбий конференция чемпиони!
30 oct 2019 15:09
News

MLS. “Сиетл Саундерс” - Ғарбий конференция чемпиони!

Бугун бизнинг маҳаллий вақт билан тонгда АҚШ миллий чемпионати плэй-офф босқичи ярим финал доирасида дастлабки ўйин бўлиб ўтди ва унда сенсацион натижа қайд этилди.

Ғарбий минтақада бутун мавсум бўйи стабил ўйин намойиш этиш асносида чемпионлик пойгасида аёвсиз, кескин ва қизғин баҳс олиб боришган мусобақанинг энг кучли ва иродали жамоалари "Лос-Анжелес" ва "Сиетл Саундерс" бош совринни қўлга киритиш учун яна бир бор ўзаро беллашиб кўришди.

Лос-Анжелесликлар ҳужум чизиғи даҳшатли кўриниш олган жамоа сафида уругвайлик ёш умидли Диего Росси, маҳаллий 24 ёшли форвард Адриен Перес ва супер ҳужумчи Европа майдонларида тобланган Карлос Вела бор эди. Лекин, бугунги тўқнашувда ушбу футболчилар ҳеч қандай каромат кўрсата олишмади. Браян Шметцер бошчилигидаги меҳмонлар таркибини эса, деярли ярмини легионерлар ташкил қилишади. Дарвоза чизиғидан кўзга кўринган тажрибали кипер Стефан Фрей жой олган. Ҳимояда Жанубия Корея миллий терма жамоаси фахрий футболчиси Ким Ки Хи бор. Ярим химояда швециялик ажойиб вингер Густав Свенссон ҳаракат қилади.

Марказий ҳужумда перулик Рауль Руидиас рақиб жамоа дарвозасини ўққа тутишга шай турарди ва у бу ишни ҳал қилувчи учрашувда аьло даражада уддалади. Ўйин натижасига батафсил тўхталадиган бўлсак, олдинига мезбонлар Эдуард Атуэста ҳисобни очди. Бироқ, орадан олти дақиқа ўтар-ўтмас кўпчиликка маьлум ва машҳур бўлган Рауль Гонсалеснинг адаши Руидиас чиройли зарбаси билан мувозанатни тиклади. Кейин ҳеч қанча вақт ўтмасидан Николас Лодейро жамоасини олдинга олиб чиқди. Танаффусдан сўнг, лос-анжелесликлар иккинчи бўлимда бор кучларини ишга солишди ва рақиб жамоа дарвозаси томон “штурм” уюштиришди. Аммо, афсуски иккинчи бўлим ўрталарида яна ўша Рауль катта саҳнага чиқди ва ўйинга мантиқий нуқтани қўйиб берди.

Шундай қилиб, бундан 2 йил муқаддам чемпионликни қўлга киритган кўҳна Вашингтон шаҳри жамоаси Ғарбий Конференция чемпионига айланди ва MLS тахтига қайтиш учун ажойиб имкониятга эга бўлди. 2014 йилда ташкил топган ва ҳали бирон марта финалга чиқмаган “Лос-Анжелес” эса, чемпионатни қаттиқ аламлар билан тарк этди.

Los Angeles FC

Eduard Atuesta - 17'

Major League Soccer Playoff . Round 1/2

30/10/2019, 07:15

Finished

Seattle Sounders FC

Raul Ruidiaz - 22', Nicolas Lodeiro - 26', Raul Ruidiaz - 64'

Stadium: Banc of California Stadium

45'

90'